30 qarashada ushaq bortynan shuǵyl aýrýhanaǵa jetkizilgen 6 aılyq sábı Aqtaýda kóz jumdy, dep habarlaıdy "Adyrna" ulttyq portalyi Mańǵystaý oblysynyń densaýlyq saqtaý basqarmasyna silteme jasap.
30 qarasha kúni bul qaladan Ystambulǵa bet alǵan ushaq balanyń densaýlyq jaǵdaıyna baılanysty qaıtadan keri qonǵan edi. Balaqaıǵa ókpesi qabynǵan degen dıagnoz qoıylyp, dereý jansaqtaý bólimine jatqyzylǵan. Onyń dene qyzýy úsh kún boıy túspegen jáne aǵzasynan qosymsha sepsıs, aýyr túrdegi qaıtalama enefalıt belgileri anyqtalǵan.
Atalǵan mekeme ókilderi «Bala polıorgandy jetispeýshilik saldarynan 2 jeltoqsan kúni qaıtys boldy», - dep habarlady.
«SCAT» áýekompanııasynyń qoǵammen baılanys bóliminiń basshysy Vıktorııa Starojılovanyń aıtýynsha, bortta bolǵan bala ózin nashar sezingen.
