Almatyda «Namys» jastar qozǧalysynyŋ belsendılerı Täuelsızdık alaŋyna baryp, Jeltoqsan qūrbandarynyŋ ruhyna taǧzym ettı dep habarlaidy «Adyrna» ūlttyq portaly.
Ūiym belsendılerı şeiıt ketken bozdaqtarǧa qūran baǧyştady. Sonymen bırge Qazaqstan territoriiasyna köz alartqan reseilık saiasatkerlerdıŋ mälımdemesıne qatysty pıkır bıldırdı.
«Jirinovskii, Nikonov, Limonov syndy darynsyz saiasatkerler bülık şyǧarǧysy kelıp, özderınıŋ sauatsyzdyǧyn körsettı. Qazaqtyŋ namysyna tiıp saiqymazaq boldy. Olar kıtap betın aşyp, az da bolsa tarihqa üŋılse kımnıŋ kım ekenın bıletın edı. Qazaqtyŋ namysty jastary barda olardyŋ közdegenı bola qoimaidy», – dedı qozǧalys basşysy Azamat Joldanbai.
Osy rette Qazaqstan Respublikasynyŋ Prezidentı Qasym-Jomart Kemelūly Toqaevqa ün qatqan ūiym belsendılerı bilıkke şart qoidy. Olardyŋ atap ötkenındei reseilık saiasatkersymaqtardyŋ sauatsyz mälımdemesın jauapsyz qaldyruǧa bolmaidy.
Jastar “Resei imperiiasynan qalǧan Pavlodar, Petropavl degen ataular joiylyp, qalalarǧa qazaqi atau berıluın” talap ettı.
“Olar tarihty zerttep, oqyp, oi tüigenı abzal. Tarih betterıne üŋılsek Resei tügılı, şekaralas elderde qazaqtar, iaǧni, bızdıŋ ata-babalarymyz ömır sürgen, Qazaqi atau arqalaityn qalalar köp. Būl aqiqat!
Osy rette Qazaqstan Respublikasynyŋ Prezidentı Qasym-Jomart Kemelūly Toqaevqa ündeu. Osyndai saiqymazaq saiasatkerlerdıŋ tırlıkterıne qaşanǧy beijai otyra beresızder? Sözben emes, qaǧazben emes, ISPEN däleldeitın kez keldı ǧoi.
Qazaqtar QYZYLJAR jäne ERTIS degen ataudy paidalanǧan. Sol ataular qaitarylsyn”, – dedı «Namys» jastar qozǧalysynyŋ belsendılerı.
Jastar būl talap oryndalmasa Soltüstık Qazaqstanǧa baryp miting ötkızetınderın aitty.
Resei imperiiasynan qalǧan Pavlodar, Petropavl degen ataular joiylsyn, qalalarǧa qazaqi atau berılsın! Soltüstık aimaqtarda Qazaq tılı üstemdık jasasyn!
