Türkıstan oblysynyŋ poliseilerı üiınen şyǧyp ketıp, ız-tüzsız joǧalǧan 13 jastaǧy qyzdy tapty, – dep habarlaidy «Adyrna» ūlttyq portaly Polisia.kz-ke sılteme jasap.
Saryaǧaş APB-ne tüngı saǧat 23:00 şamasynda jergılıktı tūrǧyn aryzdanyp kelgen. Äiel öz aryzynda keşkı saǧat 17:30-darda qyzy üiınen şyǧyp ketıp, sodan habarsyz ketkenın körsetken. Jasöspırımnıŋ anasy öz betınşe ızdeuden eş nätije şyqpaǧan soŋ, polisiia qyzmetkerlerınen kömek sūraǧan.
Poliseiler aqparat alysymen bırden ızdestıru jūmystaryna kırıstı. Körgen-bılgenderden jauap alyp, halyq köp şoǧyrlanǧan aimaqtarda sūrastyru jūmystary jürgızıldı. TO PD audandyq, qalalyq polisiia bölım, basqarmalaryna baǧytnamalar jıberıldı.
Tärtıp saqşylary joǧalǧan qyzdy tez arada tabu maqsatynda taksi jürgızuşılerınen, bıluı mümkın degen dostarynan sūrastyrdy. Sonyŋ nätijesınde täulık ışınde qyzdyŋ jürgen jerı anyqtalyp, ol ortalyq meşıttıŋ janynan tabyldy. Tekseru barysynda aǧasymen renjısıp qalǧan qyz üiınen şyǧyp ketıp, meşıtte tünegenı belgılı boldy.
Qazırgı taŋda jasöspırım qyz anasyna aman-esen tabystaldy.
Öz kezegınde qyzynyŋ dın-aman tabylǧanyna quanyp, anasy: – Qyzym belgısız sebeptermen üiden şyǧyp ketken bolatyn. Özım ızdestırıp taba almaǧan soŋ polisiia qyzmetkelerınen kömek sūradym. Saryaǧaştyq poliseiler jedel ızdestırıp, qyzymdy tauyp berdı. Poliseilerge alǧysymdy aitamyn!, – dep rizaşylyǧyn bıldırdı.Türkıstan oblysynyŋ poliseilerı barlyq ata-analarǧa balalaryna üiden ülkenderdıŋ rūqsatynsyz şyqpau kerektıgın ünemı eskertıp, olardy baqylauda ūstauǧa keŋes beredı. Sonymen qatar jasöspırımderdıŋ ötpelı kezeŋınde olarmen dos retınde söilesuge şaqyrady.
«Adyrna» ūlttyq portaly
