QR Qorǧanys ministrlıgı Kadr departamentınıŋ būrynǧy basşysy, general-maior Qairat Köpbaev para alǧany üşın sottaldy, dep habarlaidy «Adyrna» tılşısı Sybailas jemqorlyqqa qarsy ıs-qimyl agenttıgınıŋ Telegram akkauntyna sılteme jasap.
Qazırgı taŋda general-maiorǧa qatysty qylmystyq ıstı tergeu aiaqtaldy.
«2019 jyldyŋ mamyr aiynda Köpbaevtyŋ Aqtöbe qalasyndaǧy «T.Bigeldinov atyndaǧy Äue qorǧanysy küşterınıŋ Äskeri instituty» RMM-ǧa ofiserlık lauazymǧa taǧaiyndaǧany üşın 200 myŋ teŋge somasynda para alǧany anyqtaldy. Aqmola garnizony Äskeri sotynyŋ ükımımen Köpbaev memlekettık qyzmette ömır boiyna lauazym atqaru qūqyǧynan jäne 5 jylǧa bas bostandyǧynan aiyryldy», - delıngen habarlamada.Sonymen bırge, sot Qazaqstan Respublikasy Prezidentınıŋ atynan Köpbaevty general-maior äskeri ataǧynan jäne «Qūrmet» ordenınen aiyru turaly ūsynys engızgen.
«Adyrna» ūlttyq portaly
