Bılım jäne ǧylym ministrlıgıne qarasty ADAL BILIM platformasynda Nūr-Sūltan qalasyndaǧy mektepterdıŋ bılım sapasy talqylandy, dep habarlaidy «Adyrna» tılşısı ADAL BILIM jobalyq keŋsesınıŋ Baspasöz qyzmetıne sılteme jasap.
«Elordada 2010 jyly 74 myŋ oquşy bolsa, qazır onyŋ sany 193 myŋǧa jetıptı. Alaida mektepsany säikesınşe 2,5 esege köbeimegen. Nätijesınde bügıngı künnıŋ özektı problemasy — üş auysymda oqu mäselesı tuyndap otyr deidı»-, Sūltan qalasy №51 mektep-gimnaziiasynyŋ direktory Aiatjan Ahmetjanūly.
«Statistika jürgızu bar mäselenı aşyp beredı. Elordada 90 memlekettık mektep bar. Onyŋ 10-15%-ynda ǧana 1200 bala oqypjatyr. Qalǧandarynda oquşy sany normadanartyq. Mūndai jaǧdaida sapaly bılım qaidan bolsyn»,- deidı Aiatjan Ahmetjanūly.
Orta bılım sapasy memleket pen qoǧamnyŋtabysty damuynyŋ kepılı ekenın aiqyndai kele, KAZGUU Universitetı Basqarma töraǧasy Talǧat Närıkbaev mektep sanyn arttyru bılım sapasy mäselesın şeşpeidı degen pıkır bıldırdı.
«Nūr-Sūltan qalasynda mektepter jaqsy qarqynmen salynyp jatyr. Nūr-Otan partiiasynyŋ josparynda da mektep qūrylysy negızgı sanatta. Bıraq aldymen mektep sanyna emes, sapasyna män beruımız kerek. Bızdıŋ elde bırdeŋenıŋ sapasy jaily äŋgıme bolsa, bırden qūrylys bastau jaily şeşım şyǧady. Aldymen ol mekteptıŋ mūǧalımderı men direktorynyŋ bılımın qadaǧalap, ailyǧyn köteru kerek. Qasym-Jomart Kemelūly mūǧalımderdıŋ jalaqysyn köterıŋder degenge jppai köterdık, bıraq direktorlardıkı sol qalpy. Direktordyŋ jalaqysy 150 myŋnyŋ kölemınde, al qaramaǧyndaǧy mūǧalım 200-220 myŋ ailyq aluda. Al ol mūǧalımderdı jūmysqa qabyldaityn kım? Direktor. Jemqorlyq osy tūsta paida bolady. Äkım de direktordyŋ ailyǧyn kötere almaidy. Öitkenı Qarjy ministrlıgı bekıtken «setka» bar»,- dedı Talǧat Närıkbaev.
Osy tūrǧyda tıkelei efir moderatory ErbolatMūhamedjannyŋ «Elordalyq mektep direktorlarynyŋ jalaqysyn köterudıŋ qandai joldary bar?» degen sūraǧyna Nūrmūhamed Dosybaev jauap berdı.
«Äkımdık direktorlardyŋ jalaqysyn köteru üşın mektepter «Memlekettık mekeme» emes, «Qūqyqtyq memlekettık käsıporyn» sanatyna ötuı kerek. Eger mektep şaruaşylyq jürgızu qūqyǧyndaǧy memlekettık käsıporyn retınde tırkelse, direktorlarǧa üstemeaqylar men qosymşa aqylardy öz betınşe belgıleuge qūqyly»,- deidı Astana Garden School mektebınıŋ negızın qalauşy N.Dosybaev.
«Adyrna» ūlttyq portaly
