QR Prezidentı Qasym-Jomart Toqaevtyŋ 1 qyrküiektegı Joldauynda memlekettık orman qory jerlerıne 2 milliardtan astam, eldı mekenderge 15 million aǧaş otyrǧyzu qajettıgı turaly tapsyrmasyna orai, Aqtöbe oblysynyŋ äkımdıgı jan-jaqty şaralardy qolǧa aldy. Bügın Aqtöbe oblysynyŋ äkımı Oŋdasyn Orazalin öŋırdegı orman şaruaşylyǧy mekemelerıne Aqtöbe qalasy, Äiteke bi, Şalqar, Märtök, Temır, Oiyl, Qobda audandyq orman şaruaşylyǧy basşylaryna jaŋa traktorlardyŋ kıltın tabystady. Būdan özge tereŋdetıp jyrtu soqalary satyp alyndy. Oblys äkımı öŋırde orman şaruaşylyǧyn damytudyŋ asa qajet ekendıgın aityp, ormanşylardyŋ jūmysynaünemı qoldau bolatyndyǧyn atap öttı.
«Eldımekenderdı abattandyru üşın aǧaş, taldardyŋ qanşalyqty qajet ekendıgın jaqsy tüsınesızder. Ony qorǧau ülken jauapkerşılık. Oblystaǧy orman şaruaşylyǧyn damytu maqsatynda jergılktı biudjetten biyl 212 mln. teŋge bölınıp, tartu küşı 4 tonnalyq 6 traktor, 14 jer öŋdeu soqalary satyp alyndy.
Keibır eldımekenderdı qūm basu qauıpı bar. Sondyqtan da, tehnikalarmen tolyqtyru jūmystaryn biyldyŋ özınen bastap kettık.Tehnikalyq bazany küşeitu, aǧaştardy otyrǧyzu jūmystary kezeŋ-kezeŋımen jüzege asyrylatyn bolady»,-dedı Oŋdasyn Orazalin.
Oblysta orman ösıru kölemın arttyru boiynşa josparlar bekıtıldı. Materialdyq bazany nyǧaitu üşın 2021 jylǧa 1,4 tonnalyq 21 traktor, 4 sorǧy stansiiasy, 9 orman otyrǧyzu maşinasyn satyp aluǧa 222,5 mln. teŋge qaralǧan.
Aityp öteiık, oblysta memlekettık orman qory jerlerınıŋ jalpy audany 215814 ga, onyŋ ışınde ormanmen kömkerılgenı 50362 ga. 2021-2025 jyldary 30,7 myŋ ga alqapqa 60,1 mln.tüp ekpeler otyrǧyzu qajet. 2021j 1086 ga, 2022 j 7333,1 ga, 2023 j 7142,2 ga, 2024 j 6558,6 ga, 2025 j 8624,3 ga.
Sonymen qatar, eldı mekenderge 2690 ga alqapqa jasyl aimaqtar qūrylyp, eldı mekenderge 1 mln. astam tüp köşet otyrǧyzu josparlanuda.
