Bırneşe aidan berı Belarus elınde tynyş ömır joq. El prezidentı Aleksandr Lukaşenkonyŋ ornynan ketuın talap etkenderdıŋ qatary azaimai tūr. Bıraq qanşama beibıt ereuıl jasalsa da, 26 jyldan berı taqta myzǧymai otyrǧan Aleksandr Lukaşenko ädeiı uaqytty sozyp keledı. Ketuge de qūlyqty emes.
Halyqty aldarqatyp, ärtürlı mälımdemeler jasap otyrǧan «Europanyŋ soŋǧy diktatory» endı Konstitusiialyq reformalar jasauǧa köşetının aitty. Alaida ol reforma qalai jüzege asady, onda basty nazarǧa ne alynady? Konstitusiia taǧy da taqqūmar prezidenttıŋ müddesın közdei me? Ol endı aldaǧy uaqyttyŋ enşısıne qalaiyn dep tūr.
Äitse de, köptegen sarapşylar Lukaşenkonyŋ jasamaq bolyp otyrǧan Konstitusiialyq reformalarynyŋ astarynda öz müddesın qorǧau saiasaty jatqanyn bılıp otyr. Keşe bırqatar sarapşylar «aldaǧy uaqytta basym ökılettılık Senat töraǧasyna berıledı» dep boljam jasady. Al Prezidenttıŋ ornyna qazırgı Senat töraǧasy Natalia Kochanova keledı de, onyŋ ornyn bügıngı prezident Aleksandr Lukaşenko basady. Söitıp, «Europanyŋ soŋǧy diktatory» basym ökılettılıkke ie bolyp, öz orny men barlyq qūqyn saqtap qalady.
26 jyl taqta myzǧymai otyrǧan adamǧa bilıktı bere salu oŋai deimısıŋ...
Erkın QALDAN,
«Adyrna» ūlttyq portaly.
