Ūzaq jyldar boiy bız adamnyŋ jūldyzy (astrologiialyq belgısı) onyŋ ömırlık jolyna, mınezıne, mamandyǧyna äser etedı dep oilap keldık. Aspan denelerınıŋ adamnyŋ densaulyǧyna da äserı baryn astrologtar keinıgı jyldary ǧana anyqtady. Endı osy baǧytta zertteu-taldau jūmystary jandanyp jatyr. Bız sol zertteu qorytyndysynan qyzyqty degen tūstaryn oqyrmanǧa ūsynbaqpyz.
Jūldyzdar qaŋtar men jeltoqsan aiynda tuylǧan adamdar jazda ömırge kelgen qūrdastaryna qaraǧanda pysyqtau, şapşaŋ qimyldaityn, şiraq bolyp keledı eken. Olar tez auyryp,tez jazylady, bıraq sozylmaly dertke şaldyǧyp,qandai da bır aurudan azap köre qoimaidy. Qaita tez qimyldaitynynyŋ arqasynda sportpen ainalyspasa da öz jasynan jas körınedı, ūzaq ömır süredı dep jazady «Auyrmaŋyz!» gazetı. Degenmen «jeltoqsandyqtardyŋ» şizofreniia dertıne beiım keletını anyqtalǧan. Būl qysta tuylsa da suyqty süimeitın olarǧa D vitaminınıŋ jetıspeuşılıgın bıldıredı.
Aqpan men nauryz aiynda tuylǧan adamdar gül tozaŋyna tözımsız keledı eken. Bır qyzyǧy, osy ailarda tuylǧan balalardyŋ köpşılıgı sabyrly bolyp keledı, olarda psihologiialyq tūraqtylyq baiqalady. Bıraq basym köpşılıgı büirek pen quyq aurularyna beiım keledı eken.
Säuır men mamyr aiyndaǧy adamdar köbıne bılımdı, oquǧa, ızdenuge qūmar bolyp keletındıgımen erekşelenedı. Sodan bolar, osy aida tuylǧandar arasynda psihikasy būzylǧan, küizelıske beiım, köŋıl-küiı tez būzylatyn adamdar köp. Germaniiadaǧy zertteu jūmystary 150 myŋ adamnyŋ 17 paiyzy osy dertke beiım ekenın däleldegen.
Jaz ailarynda tuylǧan adamdardyŋ jürek-qan tamyrlary aurularyna beiım ekenın därıgerler de moiyndaidy. Jasy qyryqtan asa bastaǧanda tynys alu organdarynda asqynu baiqaluy mümkın. Olardyŋ jüzden asa ömır süruı qysta tuylǧandarǧa qaraǧanda 23 paiyzǧa kem eken. Vitamin jetıspeuşılıgınen tuyndaityn auru belgılerı de osylarǧa tän.
Jazdyŋ soŋy men küzde ömırge kelgen adamdar arasynda sportsmender köp ekenı aitylady. Olardyŋ densaulyqtary dūrys ömır süruı men kütınuıne bailanysty. İmmunitet älsızdıgı köbıne osylarda kezdesedı.
Jaras QASYM.
