Ehhh... Ne deimız endı?!Tramp pen Baidennnıŋ debaty 2 saǧat boldy. Ekı kandidat 2 saǧat ideia men oi jarystyrdy. Qyzyq öttı. Bızdıkı 5 partiianyŋ ökılı 1 saǧat söiledı. Ätteŋ-ai...
Bäigege şabatyn säigülıktı erttep, jügenın salyp, qyzdyryp bıraq bäige bastalmai jatyp toqtap qalǧandai küide otyrmyn. At ta aŋ taŋ, jinalǧan halyq ta aŋ taŋ. "Bäige qaşan bastalady?" degen sūraq qaldy. Qanbai qaldyq qysqasy. Tūtas el prosess bastalyp, bıtpei qalǧandai küide otyrmyz. Degenmen... Barymen bazar...
Sonymen kandidattar ne dedı?..
"Nūr Otandy" qoldaŋyz, ūrsyŋyz, synaŋyz öz erkıŋız. Bıraq Aidos Sarymda
da bılım bar. Kökjiek keŋ. Masştab bügıngıden joǧary ekenı sezılıp tūrdy. Uaqyt qysqa, formatqa syimai tūrǧan adam sekıldı äser berdı özıme. Tıptı Aidos aǧamyzben debatqa tüsıp oi jarystyrǧym keldı.
Qazaqstanda "Mädeni mūra" syndy jobalar, ūlttyq qūndylyqqa qatysty zaŋdar qabyldanǧanyn jaqsy aitty. "Tük ıstelıngen joq" degen qarsylastyŋ sūraǧyna ädemı jauap bere bıldı.
Aldaǧy uaqytta aimaqtardy qolǧa alamyz degen partiianyŋ pozisiiasyn alyp şyqty. Negızı eŋ auyr jük Aidosqa tüstı. 20 jyl bilıkte otyrǧan partiiany synnyŋ astyna alatyny belgılı edı. Būl pozisiiany däl qazır alyp şyǧu da qiyn. Bıraq syn da qatty estılmedı. Sipalap öttı opponentter. Ony Aidos soqqy dep qabyldamady. "Bolǧany osy ma? Basqa salmaqty eşteŋe joq pa?" degendı etikettı saqtap aitpady-au...
Maqsat Tolyqbai sözge şeşen. Özgerıstı "Sen ait, men ait dep otyrmai ıske kırıseiık" dedı. Dūrys pozisiia. Saiasatty feisbukpen ölşeitın saiasi sanadan ketu kerektıgın bıraz azamattar tüsındı ǧoi negızı. Maqsattyŋ da aitary bar eken. Uaqyttyŋ tarlyǧynan ramkada qalyp qoidy. Būl fakt.
Däuletkerei Käpūly aitys pen saiasi tartystyŋ ekı dünie ekenın sezdı-au. Bıraq syr bermedı. Pozisiiasyn baǧdarlama şarttary aiasynda ädemı qorǧady. "Qazaqstandy agrarlyq elge ainaldyrmai körkeimeimız. Jer şeteldıkterge satylmasyn, jalǧa berılmesın" dedı. Qoǧamdy tolǧandyrar sūraqqa naqty jauap.
"Qazaqstan halyqtyq partiiasy" men "Aq jol" da bıraz jerge bardy. Kommunizmmen küreste serıktespız dedı. Keşegı kommunister özgerdık dese, "Aq jol" Parlamentte otyrǧan jyldary köp närsenı tüsındık, endı ıske kırısemız dedı. Deitının dedı-au. Bıraq Parlamentte bolǧan partiialar üşın tym keş emes pe?.. Körermen öz baǧasyn bere jatar.
Jalpy debat bügıngı damu men şarttardyŋ aiasynda öttı. Mamandarǧa būl bırden sezıldı. Bıraq öttı. Sailauǧa deiın älı 20 kündei bar. Aitylǧan oilardy esepke alyp debattyŋ formatyn keŋeite jatar. Soŋǧysy emes qoi degen ümıt qaldy. Laiym solai bolsyn!
Bır ūnaǧany jürgızuşı dūrys taŋdalypty. Söz söileu mänerı, şeberlıgı, baǧdarlamany ūstap tūruy, qysqasyn aitqanda barlyq formaty kelısıp tūr eken debatty jürgızuge. Osy jurnalist öz ornyn tapqan degen oi tüidım.
Bauyrjan SERIKBAEV,
äleumettık jelıdegı jazbasynan.
