Telearnalar tılın memlekettık tılge 100 paiyz köşıruımız kerek!

Qazaqstannyŋ eŋbek sıŋırgen qairatkerı, jurnalist, QR Parlamentı Senatynyŋ deputaty Nūrtöre Jüsıp "Salmaqty sūhbat" halyqaralyq onlain studiiasynyŋ qonaǧy boldy. "Salmaqty sūhbattyŋ" moderatory, ǧylym baǧyty boiynşa "Qazaqstannyŋ 100 jaŋa esımı" jobasynyŋ jeŋımpazy, "Lingvistika" mamandyǧy boiynşa filosofiia doktory (PhD) Quanyş Jūmabekūly Nūrtöre Jüsıpke tömendegıdei sūraqtar qoidy: 1) Resei memlekettık dumasynyŋ deputattarynyŋ qazaq jerıne qatysty aitqan sözderı el ışınde talqylanyp jatyr. Būl deputattardyŋ Qazaqstanǧa şüilıguıne, saiasi-psihologiialyq ädısterıne bailanysty öz pıkırıŋızdı bıldırseŋız. 2) Elbasy Nūrsūltan Nazarbaev 2017 jylǧy 26 qazanda «Qazaq tılı älıpbiın kirillisadan latyn grafikasyna köşıru turaly» Jarlyqqa qol qoiǧan bolatyn. Būl – ruhani jaŋǧyrudyŋ özegı jäne ūlt bolyp kırısetın prinsiptı mäsele. Alaida orystıldı mektepter kirillisada qala beredı degendı de estıdık. Būl tūrǧyda ne aitasyz? 3) Orys bolaiyn dese türı, qazaq bolaiyn dese tılı kelmeitın qazaqtardyŋ sany älı de azaimai tūr. «Bereginia» orys etnomädeni ortalyǧy» qoǧamdyq bırlestıgınıŋ müşesı Elizaveta Sedyşeva «Bızdıŋ bolaşaq balalarymyzdyŋ tılı qazaqşa şyǧuy tiıs. Sondyqtan eŋ aldymen telearnalar tılın memlekettık tılge 100 paiyz köşıruımız kerek», — deidı. Alyp-qosaryŋyz. 4) Memlekettık tıldı bıludı mındettemei tıl mäselesınıŋ kürmeuı şeşılmeitını anyq. Tıl bıludı mındetteiık desek, aldymyzda Konstitusiianyŋ 7-babynyŋ 2-tarmaǧy tūr. Tıptı Konstitusiianyŋ 14-babynyŋ 2-tarmaǧy boiynşa "ūltyna, tılıne qarai kemsıtuşı" retınde körınuımız mümkın. Östıp jürgenımızge 30 jyl boldy. Erteŋ men 32 tolamyn. Qazaq tılı memlekettıŋ barlyq salasynda funksionaldyq tūrǧyda qaşan üstemdıkke ie bolady dep oilaisyz? Tolyq sūhbatty tömendegı sıltemeden köre alasyzdar! (İnstagram: kuanysh_zhumabekuly YouTube: Quanyş Jūmabekūly) https://youtu.be/uPqd7Zd0tmQ