Aimaǧambetov: Qazaq tılın ūltaralyq tılge ainaldyrudy balabaqşa men mektepten bastaimyz

Bılım jäne ǧylym ministrı Ashat Aimaǧambetov mektepke deiıngı, orta jäne tehnikalyq, käsıptık bılım beru ūiymdarynda memlekettık tıldıŋ qoldanys aiasyn keŋeitu ısıne basymdyq berudı tapsyrdy, dep habarlaidy "Adyrna" ūlttyq portaly  QazAqparat tılşısıne sılteme jasap. «Jalpy memlekettık tıldıŋ aiasyn keŋeitu – bärımızdıŋ paryzymyz. Ol sözsız, tüsınıktı mäsele dep oilaimyn. Elbasynyŋ memlekettık tıldı damytu saiasatyna säikes, bılım salasynda bıraz jaqsy özgerısterge qol jetkızdık. Qazırgı uaqytta Memleket basşysy memlekettık tıldı bılım beru salasynda damytu boiynşa bızge tapsyrma bergen bolatyn. Ärine, bılım salasynda tiıstı özgerıster bolmasa qazaq tılın ūltaralyq tılge ainaldyru qiynǧa ainalady. Sondyqtan kelesı jyly Tıl komitetınıŋ Bılım jäne ǧylym ministrlıgıne berılıp jatqany bekerden beker emes. Mūnyŋ bärı jüielı türde osy saiasatty jüzege asyru üşın jasalyp otyrǧan qadamdar», - dedı Ashat Aimaǧambetov Bılım jäne ǧylym ministrlıgınıŋ apparat otyrysynda. Ministr qazaq tılın ūltaralyq tılge ainaldyru mäselesı kelesı jyldyŋ basty şarualarynyŋ bırı bolatynyn atap öttı. «Qazaq tılı men qazaq ädebietı pänı boiynşa baǧdarlamalardy jetıldıru ūsynystaryn qoldaimyz. Universitetterde qazaq tılı pänınıŋ mūǧalımderın qalai daiarlap jatyrmyz degen mäsele boiynşa da özgertetın şarualar bar. Rektorlar ony bıledı. Bılıktılıktı arttyru kurstarynyŋ mazmūnyn özgertu mäselesı de bar. Ädısteme, oqulyqtar boiynşa bır sözben aitqanda, jüielı özgerıster kerek. Bıraq onyŋ bärıne ǧalymdar, ädıskerler atsalysuy qajet», - dedı ol. A.Aimaǧambetov negızgı mäsele – mektepte, balabaqşada qazaq tılınıŋ qoldanys aiasyn keŋeitu ekenın jetkızdı. «Orys tılde oqityn balalar bar. Olar qazaq tılın 11 jyl oqyp şyqqanymen, qazaq tılın meŋgeru deŋgeiın körıp otyrmyz. Saǧat sany boiynşa qaraityn bolsaq, qazaq tılınde jäne orys tılınde qazaq tılı pänın oqytu saǧattary teŋ. Bıraq sapa boiynşa sūraqtar bar. Ony jasyruǧa bolmaidy. Sondyqtan tiıstı jūmysty atqarmasaq bolmaidy», - dedı ol.