Nūr-Sūltan qalasynda tasjürek ata-ana balasyn suyqta qaldyrǧan. Būl turaly belgılı jurnalist İlmura Jumat Facebook jelısınde jazdy, dep habarlaidy «Adyrna» tılşısı.
«Būl suretterdı ärıptesterım jıberdı . Ana balasyn suyqta dalaǧa qaldyryp, bırneşe märte osylai jazalaǧan. Sızder köşede qaqaǧan aiaz ekenın jaqsy bılesızder. Bır adamdar balaǧa zar bolyp jür.. Menıŋ bıluımşe, būl Qosşy kentınde bolǧan oqiǧa. Erteŋ män-jaidy anyqtaimyz»,-dep jazdy ol.Nūr-Sūltan qalasynyŋ Polisiia departamentı būl oqiǧaǧa bailanysty mälımdeme jasady. Resmi derekterge süiensek, polisiiaǧa aǧymdaǧy jyldyŋ 23 jeltoqsanynda saǧat 21.20-da astana tūrǧyny 6 jasar ūlyn ūryp, 8 jasar qyzyn köşege şyǧaryp jıberdı degen habarlama kelıp tüsken.
«Polisiia qyzmetkerlerı 35 jastaǧy äieldı anyqtady. Ol osy ädıstı qoldanu arqyly körşısınen kiım qystyrǧyştardy oinauǧa rūqsatsyz alyp kelgen balalaryn jazalaǧysy kelgen. Qazırgı uaqytta män-jaidy zerttep jatyrmyz»,-dedı baspasöz qyzmetı.
«Adyrna» ūlttyq portaly
