Pedagogterge aqyly konkurstarda berıletın marapattar attestattau kezınde eskerılmeidı. Būl turaly «Adyran» ūlttyq portaly Qazaqstan Respublikasy Bılım jäne ǧylym ministrlıgınıŋ resmi saityna sılteme jasai otyryp habarlaidy.
Qazaqstanda keibır jeke tūlǧalar pedagogterge arnalǧan jalǧan nagradalardy jasap, olardy oŋdy-soldy satyp jatyr. Kümändı aqyly konkurstarǧa qatysu nätijesınde alynǧan nagradalar men diplomdar pedagogterdı attestattaudan ötkızu kezınde eskerılmeidı. Būl mäselege Qazaqstan Respublikasy Bılım jäne ǧylym ministrlıgınıŋ apparat keŋesınde nazar audaryldy.Qazaqstan Respublikasy Bılım jäne ǧylym ministrlıgınıŋ vedomstvolyq nagradalarynyŋ qataryna «Y.Altynsarin», «Bılım beru ısınıŋ qūrmettı qyzmetkerı», «Ǧylymdy damytuǧa sıŋırgen eŋbegı üşın» jäne «Eŋbek aradagerı» tösbelgılerı, «Qūrmet gramotasy» jäne «Alǧys» gramotalary kıredı. Būl resmi tösbelgıler men gramotalar vedomstvolyq nagradalar jönındegı komissiianyŋ şeşımı boiynşa ǧana berıledı. Sondai-aq «Pedagog märtebesı turaly» Zaŋǧa säikes 2020 jyldan bastap oblystyq äkımdıkter mūǧalımderge arnalǧan jergılıktı nagradalardy bekıtıp, aituly datalarǧa orai marapattauǧa qūqyly. Ol nagradalar tegın ekenın eskergen jön.
«Soŋǧy kezderı är türlı aqyly marapattardyŋ taraǧany baiqalady. Ol eşkımge jasyryn emes. Olardyŋ dizainy da, aty da resmi bekıtılgen marapattarǧa ūqsatyp jasalǧan. Keibır mūǧalımder bılmegendıkten, keibıreulerı bıle tūra kümändı aqyly jarystarǧa qatysady. Satyp alynǧan marapat – marapat emes. Eger būl qoǧamdyq marapat bolsa, ol aqyly bolmauy tiıs. Sondyqtan osy aqparatty köpşılıkke jetkızu kerek. Mūǧalımder, oquşylar men ata-analarǧa tüsındıru jūmystaryn jürgızu qajet», – dedı Bılım jäne ǧylym ministrı Ashat Aimaǧambetov.Bılım jäne ǧylym ministrlıgı ata-analarǧa bılım beru ūiymynan tys aqyly negızde ötkızıletın konkurstar men olimpiadalardy taŋdauda mūqiiattylyq tanytuǧa şaqyrady. Mektepterde aqyly olimpiadalar ötkızuge qataŋ tyiym salynǧanyn da eskergen jön. Jeke ūiymdar oquşylar men mūǧalımderge arnalǧan kümändı aqyly onlain konkurstar men olimpiadalardy ūiymdastyryp jür. Sondyqtan QR BǦM pedagogterdı, ata-analardy ūiymdastyruşylardyŋ alaiaqtyq äreketterınen saq boluǧa şaqyrady. Olardyŋ közdegen maqsaty – zaŋsyz aqşa jinau.
«Mūǧalımderge arnalǧan aqyly konkurstar nätijesınde berıletın marapattar resmi bolyp eseptelmeidı jäne pedagogterdı attestattau kezınde eskerılmeidı. Jalǧan nagradalardy paidalanu – pedagog pen bılım beru ūiymynyŋ bedelıne nūqsan keltıredı», – dedı Bılım jäne ǧylym vise-ministrı Şolpan Karinova.
"Adyrna" ūlttyq portaly
