Qazaqstannyŋ halyq ärtısı Roza Rymbaevaǧa «ŞQO Qūrmettı azamaty» ataǧy berıldı, dep habarlaidy «Adyrna» tılşısı ŞQO äkımdıgınıŋ baspasöz qyzmetıne sılteme jasap.
Bügın oblys äkımı Danial Ahmetov Qazaqstannyŋ halyq ärtısı Roza Rymbaevaǧa «ŞQO Qūrmettı azamaty» tösbelgısın tabys ettı.
– Bügın quanyşty, ärı tarihi kün. Jaŋa jyl qarsaŋynda jerlesımız, Qazaqstannyŋ halyq ärtısı Roza Quanyşqyzy Rymbaevaǧa «ŞQO Qūrmettı azamaty» ataǧyn jeke tapsyrudamyn. Men üşın būl zor qūrmet. Bız ärdaiym jerlesterımızdıŋ jeŋısı üşın quanyp, qoldap jüremız, - dedı ŞQO äkımı Danial Ahmetov.Kezdesu barysynda estrada änşısı jaqynda Abai Qūnanbaiūlynyŋ 175 jyldyǧyna orai qorytyndy konsert ötkızdı. Änşı, Semei qalasynda mereitoi aiasynda atqarylǧan jūmystardyŋ auqymyn joǧary baǧalap, ūly aqyn – Abaidyŋ qazaq üşın alar orny zor ekenın erekşe atap öttı.
– Jyl saiyn özımnıŋ gastroldık saparymdy Şyǧys Qazaqstannan bastauǧa tyrysamyn. Sebebı, tuǧan ölkemnen erekşe şabyt, küş-quat alamyn. Halqyma jürekpen än şyrqap, bır tolqynda öner körsetemın. Bügıngı marapat üşın halqyma zor alǧysymdy bıldıremın, - dedı Roza Quanyşqyzy.
«Adyrna» ūlttyq portaly
