15 jasar jasöspırım ekı äieldı tonaǧan, dep habarlaidy «Adyrna» tılşısı Nūr-Sūltan qalasynyŋ Polisiia departamentıne sılteme jasap.
«20 jasar qyz polisiiaǧa tonau faktısı boiynşa jügıngen. Jäbırlenuşınıŋ aituy boiynşa ol telefon arqyly köşede söilesıp kele jatqanda kenetten özın bıreudıŋ iterıp jıbergenın sezgen, artynşa tanys emes er adam onyŋ qolynan ūialy telefonyn jūlyp alyp, belgısız baǧytqa qarai qaşyp ketıp jasyrynǧan»,-delıngen habarlamada.Nūr-Sūltan qalasy PD «Saryarqa» audany PB qyzmetkerlerı jeke bas belgılerı boiynşa jedel-ızdestıru ıs-şaralaryn jürgızu barysynda küdıktı adamdy anyqtaǧan. Tonauşy elorda mektepterınıŋ bırınde oqityn 15 jasar jasöspırım bolyp şyqqan. Kämelettık jasqa tolmaǧan balanyŋ būǧan deiın zaŋmen problemalary bolmaǧan jäne tolyq qolaily otbasynda tärbielenude. Tergeu barysynda būl mektep oquşysy jasaǧan alǧaşqy tonau emes ekenı anyqtaldy. Aǧymdaǧy jyldyŋ qaraşa aiynda täulıktıŋ tüngı uaqytynda ol balasymen üiıne qarai kele jatqan äiel adamnyŋ sömkesın qolynan jūlyp alǧan. Polisiiaǧa jügıngen jäbırlenuşınıŋ aituynşa ol er adamǧa qarap ülgermegen, qyzy üşın qatty qorqyp ketken. Ūrlanǧan sömkesınde jeke bas kuälıgı, bank kartasy, ışınde şamaly aqşasy bar ämiian bolǧan. Kämelettık jasqa tolmaǧan bala ekı tonau faktısı boiynşa moiyndau aiǧaǧyn berdı, sondai-aq ūrlanǧan äiel sömkesın belgısız jerge laqtyryp jıbergenın, telefondy qoldan ötkızgenın aitty. Atalǧan faktı boiynşa sotqa deiıngı tergep-tekseru jürgızılude. Onyŋ būǧan deiın elorda aumaǧynda jasalǧan qylmystarǧa qatystylyǧy tekserılude.
«Adyrna» ūlttyq portaly
