Änşı Dimaş Qūdaibergen «Rossiia» telearnasynda körsetılgen «Privet, Andrei» baǧdarlamasyna qatysty otandastarynyŋ synyna jauap berdı. Būl turaly ol äleumettık jelıdegı paraqşasynda jazdy, dep habarlaidy «Adyrna» tılşısı aikyn.kz-ke sılteme jasap.
Qymbatty dostar! Keşe «Rossiia» arnasynan körsetılgen «Privet, Andrei» baǧdarlamasyn körgen bolarsyzdar. Az ǧana, bıraq men üşın maŋyzdy epizod bolǧan edı, ol efirge şyqpai qaldy. Men öz Otanymdy jaqsy köretınımdı, jerlesterımdı jaqsy köretınımdı aitqan bolatynmyn. 2013 jyly bolǧan «Saz älemı» jobasyndaǧy jaǧdai tūtas qazaq halqynyŋ maǧan degen qarym-qatynasynyŋ körsetkışı emes. Men osy baǧdarlamaǧa deiın däl osylai än şyrqadym jäne halyqaralyq baiqaularda jeŋıske jettım, öz qalauym boiynşa än aita beremın jäne öz jūmysymdy özım qalaǧandai ısteimın. Menıŋ ata-anam, tuystarym, dostarym bar, olar maǧan bärıne kömektesedı. Bıraq menıŋ osy därejege jetkenım Qazaqstannyŋ arqasynda. Men Qazaqstanda östım, qazaq taǧamdaryn jedım, qazaq vokal mūǧalımınen oqydym, qazaq otbasynda östım. Menı alǧa jeteleitın – menıŋ ūltym jäne menıŋ elım! Amerika nemese Qytai bolsyn, halyqaralyq jarystarǧa men bır ǧana nietpen bardym, elımızdıŋ abyroiyn asqaqtatu üşın. Mūndai talap-tılegım bolmasa, mümkın men şetelde öner körsetpes edım. 2013 jylǧy video turaly aitar bolsam, dostar, şynymdy aitsam, men būl videony qaitadan köremın dep oilaǧan joqpyn, öitkenı ony ūmytyp ta ketken edım. «Reseilık ärıptesterımnıŋ aldynda öz änşılerımızdı qorǧai almady, älı künge deiın bıreuge ökpelı» dep oilap qalmaŋyzdar. Qajetsız estelıkterdı ūmyta alamyn. Otandastyrymdy qorǧap söilegen sözımdı efirden körsetpegen eken. Qūrmettı dostar, būrynǧy videony jıberudı doǧarsaŋyzdar. Qanşa jyl ötse de, adamdar ol videony talqylaudy doǧarar emes. Bala kezımnen men synǧa daiyn boldym, obektivtı bolsyn, obektivtı emes bolsyn, menıŋ ar-namysyma tiiu öte qiyn. Sol videodaǧy adamdarǧa köp jaman sözder aitylyp jatyr. Ärkımnıŋ öz pıkırı bar, olardyŋ pıkırı özgersın, özgermesın bärı artta qaldy. Ärkımnıŋ öz otbasy, balalary bar. Ärbır elde osy video turaly aitqandy özım de ūnatpaimyn. Bolǧan närse, boldy. Öz basym mūny būrynda ūmytqanmyn. Qazırgı qiyn jaǧdaida bız-bırımızdı qoldauymyz kerek. Eşkımdı renjıtpeiık», – dedı Dimaş Qūdaibergen.
«Adyrna» ūlttyq portaly
