Qūjat alu baǧasy qymbattady

Qazaqstanda qūjat alu üşın memlekettık baj töleu kerek, al memlekettık baj jyl saiyn özgeretın ailyq eseptık körsetkış mölşerıne (AEK) bailanysty, – dep jazady "Adyrna" ūlttyq portaly  Sputnik.kz saityna sılteme jasap. 2021 jyly ailyq eseptık körsetkış 2 917 teŋgege deiın östı.

Pasport pen jeke kuälık alu qanşa tūrady?

Pasport aluǧa memlekettık baj salyǧy – 8 AEK nemese 23 336 teŋge. Jeke kuälık – 0,2 AEK nemese 583,4 teŋge. Ädette qūjattardy alu merzımı  – 15 kün. Bıraq qosymşa aqy tölep, qūjattardy jedel aluǧa bolady.

Tuu turaly kuälık

Qazaqstanda tuu turaly kuälık balany tırkeu kezınde tegın berıledı. Akt jazbasyn özgertu, tolyqtyru, tüzetu jäne qalpyna keltıru – 0,5 AEK nemese 1 458,5 teŋge. eGov mälımetıne säikes, balanyŋ tuǧanyn tırkeu qyzmetın ūsynu merzımı – ekı jūmys künı, qabyldau künı memlekettık qyzmet körsetu merzımıne kırmeidı. Özgerıster, tolyqtyrular men tüzetuler engızu – jetı jūmys künı. Qajet bolǧan jaǧdaida basqa memlekettık organdarǧa sūrau salu – 30 küntızbelık künnen aspaidy.

Jürgızuşı kuälıgın alu qanşa tūrady

Jürgızuşı kuälıgın alu üşın memlekettık baj salyǧy – 1,25 AEK nemese 3 646 teŋge.

Neke qiiu jäne ajyrasu

Neke qiiu qūny – 1 AEK nemese 2 917 teŋge. Ajyrasuǧa ötınış beru – 2 AEK nemese 5 834 teŋge.