Advokat Lázzat Kendebaıqyzy nyń Qyzylorda oblysynyń eks-ákimi Q. Ysqaqovqa qatysty posttaryna el shýlap jatqan soń ne bolyp jatyr eken dep qarap shyǵyp, tań qalyp otrymyn. Arystaǵy jarylystan keıingi jaǵdaıdan soń Qyzylorda oblysynyń eks-ákiminiń orynbasary 80 mıllıon para alyp, halyqtan jınalǵan aqshany jymqyryp ketipti degen aqparat burq ete qalǵan bolatyn. Sodan sol aqparattardyń birnesheýine men de baryp, kózim jetpese de, "Memlekettik deńgeıdegi bir qunyqqan jemqordyń biri ǵoı, bul júıede ońǵan adam bolǵan emes..." dep pikir qaldyrǵan edim.
Lázzat Kendebaıqyzynyń sol is boıynsha jazyp jatqan posttaryna zer salsam, jaǵdaı biz oılaǵannan múlde bólek bolyp shyqty. Lázzat Ahatovanyń postynyń astyna elge belgili Abzal Quspannyń pikirin oqyp, taǵy tań qaldym. Eki bilikti zańger de ap-anyq etip jazyp otyr. Jaǵdaı múldem bólek. Sot organdary men tergeý organdary isti aıaýsyz burmalap, ózderiniń maqsattaryn iske asyrýda aldyna jan salmaǵan. Mundaı burmalaýshylyq Islam Ábishev aǵamyzdyń isinde de oryn alǵan bolatyn. Mynaý jaǵdaıǵa atústi qaraıyn deseń, memleketke tanymal eki birdeı zańgerdiń jazbasy anyq dálel bolyp tur.
Lázzat Kendebaıqyzy men Abzal Quspannyń pikirin qarap shyǵyp, sot organdarynda rasynda sumdyq degradaııa men regress bolyp jatqanyn ańǵarasyń. Bizdiń zaıyrly eldegi sottyń syıqy osy. Mynadaı sot organdary turǵanda, bizdiń eldiń túlep ósýi ekitalaı. Bolashaq ta qorqynyshty. Mynaý túrimen bizdi el qylmaıdy eken. Bizdiń tergeý organdary men sot organdary 1931-1937 jj jala jabý, qýǵyndaý, qýdalaý, qaralaý sıstemamen jumys istep jatyr.
Bizdiń kózimiz naqty bir nársege jetpeı, aldyn ala kósemsip qoıatynymyz ras eken. Oblys ákiminiń buıryǵy shyqqannan keıin taǵaıyndalǵan ákimniń orynbasarynyń óziniń ókilettigi bolmaǵan iske nusqaý berdi etip, ózge bireýlerdiń qolymen kóseý kósep, aıypty qylyp otyr. Qarjy sol mańaıdyǵy bireýlerdiń nusqaýymen basqa jaqqa aýdarylyp ketken. Ony qýattap kórsetetin qujattar men kýágerler de bar eken. Sonda da is burmalanyp jatyr. Bul ózderiniń bylyqtarynyń betin jabý úshin qurbandyq izdeýdiń joly ǵana. Qaralyp jatqan isterge da nazar salyp kórdim. Bári burmalaýshylyq pen aıaqasty etip quqyn taptaý. Sol kezdegi aǵat pikirim úshin de keshirim suraımyn.
Meniń de esep shottarymdy bireýler zańsyz jaýyp tastap otyr. Sotqa aryz berdim, múldem qaralǵan joq. Odan keıin taǵy da aryz berdim, taǵy da qaralǵan joq. Biz sonda ne isteýimiz kerek? Joǵary deńgeıdegi memlekettik qyzmetkerdiń quqy osylaı taptalyp jatqan soń, qarapaıym adamdyń quqyn qalaı daýlaı alyp jatyrmyz ba? Biz qorqynyshty júıede ómir súrip jatyrmyz. Jaýaby joq óte aýyr suraq áıteýir.
Foto ashyq derekkózden alyndy.
