Pavlodar oblysynda 18 adamdy üsık şaldy, dep habarlaidy «Adyrna» tılşısı «Astana TV»-ge sılteme jasap.
Aiaq-qoly üsıp qalǧandar arasynda näresteler de bar. Ekıbastūzdaǧy Solnechnyi kentınde 1 jastaǧy qyz bala sausaǧy üsıp auruhanaǧa tüsken.
«2019 jylǧy qyz bala jaiyn naqtyraq aityp ketetın bolsaq, ol keşkı uaqytta saǧat 22.00-de anasymen dalaǧa şyǧyp seruendegen. Qyz balanyŋ jaǧdaiy jaqsy. Qazır barlyq em şaralaryn alyp jatyr»,-dedı oblystyq densaulyq saqtau basqarmasynyŋ baspasöz hatşysy Elmira TEMIRǦALİEVA.Oblys ortalyǧy - Pavlodarda da üsık şalǧandar az emes. Jaŋa jyl kırgelı berı 11 adam auruhanaǧa tüsıptı. Denı aiaq-qoly üsıgender. Kün raiy qolaisyzdyǧyna bailanysty aimaqta küre joldar jabyldy. Alaida eskertulerge qaramastan jolǧa şyǧyp, kölıgı synyp jatqandar az emes. Osy künde Pavlodar öŋırınde auanyŋ temperaturasy 40 gradustan tömen. Dizel otynymen jüretın kölıkterge jäne qoǧamdyq kölıkterge alys jolǧa şyǧuǧa tiym salyndy. Polisiia departamentı keltırgen derekterge qaraǧanda, janar maiy qatyp qalatyn jük kölıkterı köbeigen. Şyǧys Qazaqstan oblysynda, jolda qalyp qoiǧan 15 adam qūtqarylypty.
«Adyrna» ūlttyq portaly
