Prezident maqalasy memleketımızdıŋ bolaşaq sūlbasyn qalyptastyruda quatty ideologiialyq negız bolady – Erlan Karin

Memleket basşysy Qasym-Jomart Toqaevtyŋ maqalasy memleketımızdıŋ bolaşaq sūlbasyn qalyptastyruda quatty ideologiialyq negız bolady. Mūndai pıkırdı QR Prezidentınıŋ kömekşısı Erlan Karin bıldırdı, dep habarlaidy QazAqparat tılşısı. «Bügın QR Prezidentı Qasym-Jomart Toqaevtyŋ «Täuelsızdık bärınen qymbat» atty baǧdarlamalyq maqalasy jaryq kördı. Is jüzınde būl maqala Täuelsızdıktıŋ 30 jyldyǧy jylyn aşyp, osynau mejelı jylǧa baǧyt berumen qatar, basty jūmystarǧa ekpın beredı. Prezident Qazaqstannyŋ egemen damuynyŋ ötken otyz jyldyǧyndaǧy negızgı qorytyndysyn şyǧaryp, jaŋa kezeŋdegı damu basymdyqtaryn aiqyndaidy. Ol törtınşı onjyldyqtyŋ basty maqsaty retınde ädıl qoǧam men tiımdı memleket qūrudy aiqyndap berdı. Būl rette eldıŋ kez kelgen jetıstıgı barşa azamattyŋ şynaiy igılıgımen ölşenuı tiıstıgıne taǧy bır märte basa män beru Qasym-Jomart Toqaevyŋ maqalasyna tän. Būl Prezidenttıŋ Memleket basşysy lauazymyndaǧy barlyq şeşımderıne negızdelgen tübegeilı senımderınıŋ bırı», - dedı ol. Onyŋ atap ötuınşe, Prezident maqalasynda köptegen jaŋa ideia men ūsynystar bar. Olar gumanitarlyq ǧylymdy damytu, tarihi sanany qalyptastyru, memlekettık tıldıŋ rölı, etnosaralyq kelısımdı saqtau jäne jastardy qoldau syndy salalardy qamtidy. Osy rette Erlan Karin Memleket basşysynyŋ saiasi jaŋǧyru jönınde aitqan sözderıne erekşe nazar audarady. «Prezident reformalardy aqylǧa qonymdy ärı jüielı jüzege asyru qajettıgın erekşe atap öttı. Degenmen, ony soza beruge bolmaityndyǧyn da ekserttı. Qasym-Jomart Toqaev bilık halyq aldyndaǧy jauapkerşılıgın barlyq uaqytta sezınuı tiıstıgıne nazar audartty. Osyǧan orai Memleket basşysy alǧaşqy ret auyl äkımderın sailaudan keiın, audan äkımderın sailau ötetındıgın aitty. Būl tetık ıs jüzınde özınıŋ tiımdılıgın körsetetın bolsa, onda kelesı deŋgeidegı äkımderdı sailauǧa köşu turaly şeşım qabyldanatyn bolady. Şyn mänınde būl bügıngı maqaladaǧy eŋ negızgı tezisterdıŋ bırı», - dedı Prezident kömekşısı. Sonymen qatar ol memlekettıgımızdıŋ jaŋa tarihi kezeŋındegı Qazaqstan Prezidentınıŋ maqalasy bolaşaqtyŋ sūlbasyn qalyptastyratyn quatty ideologiialyq negız bolatyndyǧyn basa aitady.