Dimaş eşqandai saiasi nauqanǧa qatyspaidy!

Qazaqstanda 10 qaŋtar künı bolatyn Parlament sailauyna är partiia özınşe ügıt nasihat jürgızıp jatyr. Bıreulerı esım-soiy elge belgılı azamattardy partiia qataryna qosap jatsa, endı bıreulerı el aldynda jürgen önerpazdardyŋ kömegıne jügıngen. Bilıktegı «Nur Otan» partiiasy da Qazaqstan estradasynyŋ ökılderı men sportşylardy osy ügıt-nasihat jūmystaryna qosqan eken dep habarlaidy «Adyrna» ūlttyq portaly Abai.kz.saityna sılteme jasap.  Olardyŋ qatarynda QR Halyq ärtısterı Roza Rymbaeva, Maqpal Jünısova, QR Eŋbek sıŋırgen qairatkerı Madina Säduaqasova, «Qazaqstan barysy» turnirınıŋ üş märte jeŋımpazy Beibıt Ystybaev, aqyn, «Qūrmet» ordenınıŋ iegerı Aqūştap Baqtygereeva syndy belgılı adamdar bar. Alaida, partiia ökılderı «Nur Otan-dy» qoldaǧan ärtısterdıŋ qataryna Dimaş Qūdaibergendı de qosyp jıbergen sekıldı. Sebebı, äleumettık jelıde «10-şı qaŋtarda «Nur Otan-ǧa» dauys ber! Qazaqstannyŋ bolaşaǧy köşbasşymyz Nūrsūltan Äbışūlymen bırge!!!», dep jazylǧan Dimaştyŋ suretı taralǧan. Būǧan qatysty änşınıŋ äkesı äleumettık jelıde eskertu jariialady. Onyŋ aituynşa, Dimaş ömırlık ūstanymy boiynşa eşqandai saiasi nauqanǧa qatyspaidy. Aita keteiık, Dimaş Qūdaibergen 17 qaŋtar künı AQŞ-tyŋ jaŋadan sailanǧan prezidentı Djozef Baidennıŋ inaugurasiiasyn toilau aptalyǧynyŋ aşylu saltanatyna qatysady. Al, odan bır kün būryn, 16 qaŋtarda qazaqstandyq änşınıŋ «DIMASH DIGITAL SHOW» atty alǧaşqy onlain-konsertı ötedı dep josparlanǧan.