Elbasy Nūrsūltan Nazarbaev qazaqstandyqtardy Rojdestvo merekesımen qūttyqtady, dep habarlaidy «Adyrna» tılşısı tūŋǧyş Prezidenttıŋ resmi saityna sılteme jasap.
«Pravoslav hristiandaryn jäne barlyq qazaqstandyqtardy şuaqty mereke – Rojdestvomen şyn jürekten qūttyqtaimyn! Būl meiram ǧasyrlar boiy tatulyq pen ızgılıktıŋ, süiıspenşılık pen meiırımdılıktıŋ simvoly bolyp keledı. Onyŋ özegınde zor jasampaz küş, ümıt pen üilesım ūialap jatyr. Qazaqstanda atap ötıletın Rojdestvo jäne basqa da dıni merekeler bızdıŋ ömırımızge optimizm, ruhani bailyq, toleranttylyq äkeledı. Osy künderı adamnyŋ jüregı eŋ ızgı sezımderge tolyp, mūqtajdarǧa kömektesuge, jaqyn jandarǧa quanyş syilap, qamqorlyq jasauǧa degen yqylas oianady. Mäŋgılık ruhani qūndylyqtar bızdıŋ elımızdegı barlyq dınder men etnostar ökılderınıŋ basyn bırıktırıp otyr. Olar tatulyqtyŋ, tūraqtylyq pen bırlıktıŋ berık negızıne ainalyp, Qazaqstannyŋ qarqyndy damuyna septıgın tigızude. Osy jarqyn merekede barşaǧa baiandy baqyt, igılık pen myqty densaulyq tıleimın!»,-dedı ol.
«Adyrna» ūlttyq portaly
