Qaraǧandyda balalaryna kömektesuden bas tartqan alimentşı qala köşelerın qardan tazartuǧa mäjbür boldy, dep habarlaidy «Adyrna» tılşısı stan.kz aqparattyq agenttıgıne sılteme jasap.
Oblystyq qylmystyq-atqaru jüiesı departamentınıŋ mälımetınşe, 2014 jyly ajyrasqannan keiın er adam jalaqysynyŋ üşten bırın kämeletke tolmaǧan ekı balasyna aqşa töleuge mındettelgen. Alaida osy uaqytqa deiın ol bırde-bır ret aliment tölemegen jäne 3,7 million teŋgege qaryz bolǧan.
"Ol jūmysqa ornalasqysy kelmedı jäne balalardy asyrauǧa materialdyq kömek körsetpedı. Bıraq ol özınıŋ alimenttık mındettemelerı turaly bıldı jäne olardy oryndauǧa naqty mümkındık aldy. Er adam eŋbek qatynastaryn jasamaǧan jūmysynan beiresmi tabys aldy. Oǧan sot aktısın oryndamaǧany üşın qylmystyq jauapkerşılık turaly bırneşe ret eskertıldı. Degenme alimentterdı töleu boiynşa mındetterden qasaqana jaltarǧan", - dedı vedomstvoda.Osydan keiın er adamnyŋ üstınen sotqa taǧy aryz berılgen, nätijesınde jaŋa ükım şyǧaryldy. Endı aliment töleuden jaltarǧan äke Qaraǧandy köşelerın tazalaidy. Oǧan 300 saǧattyq qoǧamdyq jūmys taǧaiyndaldy. Jaltarǧan jaǧdaida er adam qamauǧa alynady.
"Ol qalanyŋ ortalyq saiabaǧyndaǧy qardy tazalaidy. Onda "qoǧamǧa qaryzdy öteu" degen jazuy bar aşyq-qyzǧylt keudeşe kidı. Būl jaryq şaǧylystyrǧyş keudeşeler qoǧamdyq jūmystardy oryndau üşın probasiia qyzmetınde esepte tūrǧan sottalǧandardy qamtamasyz etu jönındegı pilottyq joba bolyp tabylady. Ol ötken jyldyŋ qyrküiek aiynyŋ basynda oblystyq QAJ departamentı Qaraǧandy äkımdıgımen jäne oblys prokuraturasymen bırlesıp ıske qosyldy", - dep tolyqtyrdy vedomstvoda.
«Adyrna» ūlttyq portaly
