Keshe Nur-Sultan qalasynda 20 bólmeli jataqhana órtendi. Bul týraly qalalyq TJD baspasóz qyzmeti málimdedi, dep habarlaıdy «Adyrna» tilshisi.
«6 qańtarda 20 saǵat 57 mınýtta Nur-Sultan qalasy TJD Órt sóndirý bólimsheleri jeke quramnyń 22 adamy jáne 4 birlik tehnıkasy quramynda Medeý kóshesi, 24 meken-jaıy boıynsha úıdiń janyp jatqany týraly kelip túsken shaqyrýǵa shyqty. Órt sóndirýshiler kelgen boıda jataqhana retinde jabdyqtalǵan bir qabatty mansardaly 20 bólmeli jeke úı janyp jatqany anyqtaldy. Órt saldarynan tóbe bóligi opyrylyp tústi»,-delingen habarlamada.
Elordalyq órt sóndirýshilerdiń jedel, kásibı is-áreketteriniń arqasynda órt 21 saǵat 24 mınýtta aýyzdyqtalyp, 21 saǵat 39 mınýtta tolyq sóndirilgen. Qaza bolǵandar men zardap shekkender joq. Aldyn ala boljam boıynsha órttiń aýmaǵy 80 sharshy metrdi quraǵan.
«Adyrna» ulttyq portaly
