Sońǵy kezde áleýmettik jelini jeke basyna paıdalanatyndar kóbeıip ketti. Bireýdi qaralap, masqaralaýǵa taptyrmaıtyn quralǵa aınaldy. Biraq medaldiń eki jaǵy bar ekenin jurt umytqan sekildi.
Áıtpese aýylyna kómektesip, týǵan jeriniń shashbaýyn kóterip júrgen Serik Bekqaıyrovqa japtym jala, jaqtym kúıe degenderdiń áreketin qalaı túsinsek bolady?
Serik Bekqaıyrov BQO Jańaqala aýdanyna eńbegi singen kásipker. Buny sol Serik ósken óńirdiń árbir turǵyny aıta alady. Baı bolsań halqyńa paıdań tısin deı me?
Sońǵy ýaqytta osy Sekeńdi qaralap jazǵan adamdar paıda bola bastady."It úredi,kerýen kóshedi" degen ustanymǵa saı úndemeı qalsam basylatyn shyǵar desem de sońǵy kezde bul proess údeı bastady. Sondyqtan jaýap berýdi jón sanadym degen Sekeń osy áńgimege baılanysty óz oıyn ashyq aıtty. "Shetelden kelsem meni alaıaq dep qaralap jazǵan posttar paıda bolypty. Eger men alaıaqtyq jasasam zań arqyly kinámdi moınyma qoımaıdy ma? Al bular zańǵa júginý bylaı tursyn, úıime bandıtsymaq bireýlerdi jiberip qorqytýǵa kóshti. Eshkimniń aldynda esep berip kórmeppin. Biraq osy joly shydap tura almadym"-deıdi kásipker.
Ózi ósken aımaǵyna,qala berdi joq-jitikke,muqtajdarǵa,jaǵdaıy tómen otbasylardyń balalaryna joǵary bilim alýlary úshin oqý aqysyn tólep berip,kómek qolyn aıamaǵan kásipkerdi bopsalaǵandardy ne deýge bolady? Álde aqshasy bar eken dep bopsalasaq bizge de maıly jiliktiń bir basy tıip qalar degenderdiń áreketi me?
Salamat Dosymbaev
