KHDR basshysy Kım Chen Yn AQSh-ty eldiń "basty jaýy" dep atady, dep habarlaıdy Renhap agenttigi.
Kım Chen Ynnyń aıtýynsha, Vashıngtonnyń Phenıanǵa qatysty saıasaty AQSh-ta basshylyq laýazymdarda kim bolsa da ózgermeıdi.
Sonymen birge ol eki el arasyndaǵy qarym-qatynasty jaqsartýdyń kilti Vashıngtonnyń "dushpandyq saıasattan" bas tartýy ekenin aıtty, dep habarlaıdy agenttik.
Soltústik Koreıanyń ortalyq telegraf agenttiginiń habarlaýynsha, Kım Chen Yn KHDR ıadrolyq qarýdyń strategııalyq qýatyn jáne joıylý aýqymyn 15 myń shaqyrymǵa deıin arttyrýǵa nıetti ekenin aıtty.
Sonymen qatar, Soltústik Koreıa basshysy jańa ıadrolyq sýasty qaıyqtaryn ázirleý aıaqtalǵanyn habarlady. Kım Chen Yn el ıadrolyq qarýdy damytýdy jáne aldyn-alý men qarymta jaýap berý ádisterin jetildirýdi jalǵastyrady dep ýáde berdi.
KHDR basshysy jáne Donald Tramp eki eldiń resmı qarym-qatynastarynyń joqtyǵyna qaramastan, buryn úsh kezdesý ótkizip, olardyń jeke dostyq qarym-qatynastaryn birneshe ret atap ótken bolatyn.
"Adyrna" ulttyq portaly
foto ashyq derekkózden alyndy
