«Qazaq elı» atty qazaq multiplikasiiasy tarihyndaǧy tūŋǧyş tarihi tolyqmetrajdy animasiialyq filmı qaraşanyŋ 4-ı men 13-ı aralyǧynda Barselonada (İspaniia) ötetın Aziialyq kino festivalınıŋ (Asian Film Festival) negızgı baiqauyna ırıktelıp alyndy.
Animasiialyq kinotuyndynyŋ halyqaralyq kinofestivalderde körsetılıp, keŋınen nasihattalu jūmystaryn Ş.Aimanov atyndaǧy «Qazaqfilm» AQ jüzege asyrady.
Būl tuyndyny QR Mädeniet jäne sport ministrlıgınıŋ tapsyrysy boiynşa «SAQ-dala» JŞS tüsırgen.
Rejisserı: Batyrhan Däurenbekov
Ssenarii avtorlary: Saǧadıldä Üsıpbaliev, Baqytjan Kūljabai.
«Qazaq elı» animasiialyq filmı bolaşaq handar – Jänıbek pen Kereidıŋ balalyq şaǧy men eseiu jyldary turaly baiandaidy. Multfilmde – ūlan-ǧaiyr qazaq dalasy, zaŋǧar taular jäne Ūly Jıbek jolyndaǧy Syǧanaq, Otyrar, Taraz jäne Türkıstan sekıldı ejelgı qalalar beinelengen.
- Film halyqaralyq arenada - sonau İspaniiada körsetıletınıne quanyştymyn. Būl multfilmdı bız eŋ bırınşıden balalarǧa arnap jasadyq. Kartinada bostandyq pen täuelsızdık üşın küres jolynda qazaq elınıŋ basyn qalai bırıktırgendıgı jaily äŋgımelenedı.Sondyqtan ispandyq körermender de elımızdıŋ bai tarihymen tanysatyn bolady, - dedı filmnıŋ rejisserı Batyrhan Däurenbekov.
Atalmyş festivalde 20 Aziia elderınıŋ 80-ge juyq filmderı körsetıledı. Otandyq tuyndydan basqa festivalge Qytai, Korei, İran, Filippin, Singapur, Auǧanystan, Jaŋa Zelandiia, Tailand, Malaiziia jäne Vetnam elderınıŋ filmderı qatysady. Aita ketetın jait, festival şeŋberınde Ş.Aimanov atyndaǧy «Qazaqfilm» AQ jaryqqa şyǧarǧan Satybaldy Narymbetovtyŋ «Amanat» jäne Doshan Joljaqsynovtyŋ «Qūnanbai» tarihi tuyndylary, sonymen qatar Asqar Ūzabaevtyŋ «Jol» dramasy men Mūrat Mahannyŋ debiuttık «Sot oryndauşysy» filmı körsetıledı.
Esterıŋızge sala ketsek, jasaluynda 2-D jäne 3D-tehnologiialar paidalanylǧan «Qazaq elı» animasiialyq filmı üstımızdegı jyly mamyr aiynda köpşılık nazaryna ūsynylyp, kinoteatrlardan körsetılgen bolatyn. Filmnıŋ jaryqqa şyǧuyna atsalysqandar qatarynda QR mädeniet jäne sport ministrı Arystanbek Mūhamediūly, tarih ǧylymdarynyŋ doktory Jambyl Artyqbai jäne belgılı jazuşy Dulat İsabekov te bar. Bas keiıpkerlerdı Ǧ.Müsırepov atyndaǧy Qazaq Memlekettık akademiialyq balalar jäne jasöspırımder teatrynyŋ, sondai-aq, J.Şanin atyndaǧy Oŋtüstık-Qazaqstan oblystyq qazaq drama teatrynyŋ ärtısterı dybystady. Filmnıŋ saundtrekterın Nūrlan Abdullin, Säken Maiǧaziev jäne basqa da tanymal qazaqstandyq änşıler oryndady.
Atalmyş festivalde 20 Aziia elderınıŋ 80-ge juyq filmderı körsetıledı. Otandyq tuyndydan basqa festivalge Qytai, Korei, İran, Filippin, Singapur, Auǧanystan, Jaŋa Zelandiia, Tailand, Malaiziia jäne Vetnam elderınıŋ filmderı qatysady. Aita ketetın jait, festival şeŋberınde Ş.Aimanov atyndaǧy «Qazaqfilm» AQ jaryqqa şyǧarǧan Satybaldy Narymbetovtyŋ «Amanat» jäne Doshan Joljaqsynovtyŋ «Qūnanbai» tarihi tuyndylary, sonymen qatar Asqar Ūzabaevtyŋ «Jol» dramasy men Mūrat Mahannyŋ debiuttık «Sot oryndauşysy» filmı körsetıledı.
Esterıŋızge sala ketsek, jasaluynda 2-D jäne 3D-tehnologiialar paidalanylǧan «Qazaq elı» animasiialyq filmı üstımızdegı jyly mamyr aiynda köpşılık nazaryna ūsynylyp, kinoteatrlardan körsetılgen bolatyn. Filmnıŋ jaryqqa şyǧuyna atsalysqandar qatarynda QR mädeniet jäne sport ministrı Arystanbek Mūhamediūly, tarih ǧylymdarynyŋ doktory Jambyl Artyqbai jäne belgılı jazuşy Dulat İsabekov te bar. Bas keiıpkerlerdı Ǧ.Müsırepov atyndaǧy Qazaq Memlekettık akademiialyq balalar jäne jasöspırımder teatrynyŋ, sondai-aq, J.Şanin atyndaǧy Oŋtüstık-Qazaqstan oblystyq qazaq drama teatrynyŋ ärtısterı dybystady. Filmnıŋ saundtrekterın Nūrlan Abdullin, Säken Maiǧaziev jäne basqa da tanymal qazaqstandyq änşıler oryndady.
"ADYRNA"
