Sailauda dauys beruşılerdıŋ qauıpsızdıgıne basa män berıldı

QR Parlamentı Mäjılısı men mäslihattar sailauyn Reseiden bes diplomat jäne EQYŪ elderınen ekı diplomat baqylady, dep habarlaidy QazAqparat tılşısı Atyrau oblysynyŋ kommunikasiialar qyzmetıne sılteme jasap. Atyrau oblystyq aumaqtyq sailau komissiiasynyŋ habarlauynşa, öŋırge TMD Missiiasy boiynşa RF-nyŋ Astrahan oblysynan bes baqylauşy, sondai-aq Europadan ekı diplomat keldı. Olardyŋ barlyǧy halyqaralyq akkreditasiiadan ötıp, PTR test tapsyrdy. Şeteldık qonaqtardyŋ aituynşa, aimaqtaǧy dauys beru prosesı joǧary deŋgeide ūiymdastyrylǧan. « Men, eŋ aldymen, bügıngı sailaudyŋ joǧary därejede ūiymdastyrylǧanyn atap ötkım keledı. Bırınşı kezekte, ol ärine azamattardyŋ qauıpsızdıgıne baǧyttalǧan. Barlyq uchaske sanitarlyq qūraldarmen jabdyqtalǧan: qorǧanys ekrany, sanitarlyq kılemşe, qol sanitaizerı, medisinalyq maska. Sondyqtan, Atyrau oblysy tūrǧyndarynyŋ qauıpsızdıgı men densaulyǧyna alaŋdamau kerek dep senemın», - dedı TMD Missiiasy boiynşa Reseiden kelgen halyqaralyq baqylauşy Vladimir Zolotokopov. Aita keteiık, künı boiy halyqaralyq baiqauşylar Atyrau qalasyndaǧy, sondai-aq audan men auyldardyŋ sailau uchaskelerın aralap şyqty. Diplomattar dauys beru beketterındegı sanitarlyq qauıpsızdık şaralaryn baǧalap, sailau prosesın baqylap otyrdy. Sonymen qatar, elımızdegı ärıptesterımen de täjıribe almasty.