Bügın oqu jylynyŋ üşınşı toqsany bastaldy. Alaida, QR Parlamentı Mäjılısı men mäslihattar sailauynda sailau uchaskelerı retınde tartylǧan bılım beru nysandaryndaǧy dezinfeksiialyq ıs-şaralardyŋ saldarynan jaŋa toqsannyŋ bırınşı oqu künınde sabaqtar qaşyqtyqtan ötedı, dep habarlaidy «Adyrna» tılşısı äkımdıktıŋ resmi saityna sılteme jasap.
Elımızde 12 qaŋtardan bastap offlain rejimde oqytu jalǧasady. Aita keteiık, üşınşı toqsanda 1-5 synyp oquşylary «kezekşı synyp» rejimınde oquyn jalǧastyrady.
Sonymen qatar, üşınşı toqsanda bıtıruşı synyptar (9, 11, 12-synyptar) kezekşı synyptar qaǧidaty boiynşa aralas formatta (15 adamnan artyq emes) oqidy.
Offlain sabaqtar kestesıne invariantty komponent pänderı kıredı: orys tılı men ädebietı, qazaq tılı men ädebietı, şet tılı, algebra, geometriia, fizika, himiia, biologiia, geografiia, Qazaqstan tarihy jäne düniejüzı tarihy. Būl oqu pänderınıŋ 70%-yn qūraidy.
Qalǧan 30% pänder — informatika, özın-özı tanu, dene şynyqtyru, qūqyq negızderı, alǧaşqy äskeri jäne tehnologiialyq daiyndyq qaşyqtyq formatta ötedı.
Mektepter ikemdı kesteler äzırleidı, sabaqtar arasyndaǧy özgerıster är türlı synyptar üşın türlı uaqytta ötedı, äleumettık qaşyqtyq üşın auysymdar men kışı auysymdar köbeiedı. Bır sabaqtyŋ uaqyty 5 minuttyq üzılıspen 30 minuttan aspaidy.
Aita keteiık, 3 toqsanda 70 myŋǧa juyq oquşy mektepke barady.
«Adyrna» ūlttyq portaly
