Tanymal boksşy Ermahan İbraimov sailau künı Täuelsızdık alaŋynda bolǧan jaitqa qatysty tüsınıkteme berdı, dep habarlaidy «Adyrna» tılşısı. Ol būl turaly Instagram jelısındegı resmi paraqşasynda jazdy.
«Qūrmettı otandastar! Osy uaqytqa deiın men halqymmen bırge boldym jäne älı de bırge bolatynymdy aitqym keledı. Miting kezınde narazylyq bıldırgen halyqqa küş körsetu maqsatynda emes, sabyrǧa şaqyru üşın barǧan bolatynmyn. Bıraq qarsy toptardyŋ belsendılerı maǧan kerı pıkır bıldırıp, menıŋ jeke namysyma tietın sözder aityp jatqasyn, jaqyndap baryp, bärın tüsındırmekşı boldym. Sol tūsta qarsy toptardyŋ arandatuşylary menı kadrǧa alyp, türlı baǧytta aqparattar taratyp jıbergen bolatyn»,-dedı ol.Sondai-aq, Sidnei Olimpiadasynyŋ jeŋımpazy jazylǧan pıkırlerge syni tūrǧydan qaraitynyn jetkızdı.
«İä, äleumettık jelılerde suretım men video tarap ketıp, maǧan kerı pıkırler aityluda. Onyŋ bärın syni tūrǧyda qabyldaimyn. Alaida men osy sailauǧa qatysuymnyŋ sebebı de qarapaiym halyq üşın ekenın taǧy da aitqym keledı. Sebebı töbeme köterıp, qūrmettegen halyqqa qarsy şyǧu menıŋ oiymda da bolmaǧan! Sondyqtan qadırlı qazaq elı, miting kezınde bolǧan jaǧdaidy qysqaşa osylai tüsındırgım keledı. Barlyǧy alda. El müddesı üşın alda älı de igılıktı ısterdı atqaratyn bolamyn»,-dep sözın qorytyndylady sportşy.
«Adyrna» ūlttyq portaly
