Popýlıster naǵyz ulttyń jaýy emes pe?

1692
Adyrna.kz Telegram

Depýtat bolǵysy keletinderdiń kóbiniń maqsaty - jaıly ómir izdeý. Zańdy, zańsyz jolmen ońaı tabys tabý.

Parlament - shyndyq úshin aıǵaılap, mıtıng uıymdastyratyn oryn emes.

Ol nebary kúndelikti zań shyǵarýmen aınalysatyn, shyǵarmashylyq jumys dep qabyldanýy kerek.

Biz shyndyqty kóshede de, TV-da da erkin aıta beretin qoǵam qurýymyz qajet.

Ultqa, elge qyzmet etý úshin depýtat bolý shart emes.

Qoǵamnyń damýyna qatysty usynys-tilek bolsa kópshilikke jarııala, tıisti oryndarǵa joldap túsindirýge tyrys.

Mysaly muǵalim bolsań sabaǵyńdy sapaly ótkiz. Taksıst bolsań qyzmetińdi jónimen jasa.

Seniń ultqa degen janashyrlyǵyń sonymen ólshenedi.

Áıtpese saılaý saıyn "elim" dep egilip, "jurtym" dep jyrtylyp ne kerek.

Sózderi men isterine qarasań patrıottan góri provokatorǵa kóbirek uqsaıdy.

Barlyǵy quddy bir syrt elge soǵysqa nemese Reseı Dýmasyna bara jatqandaı "qazaqtyń múddesin qorǵaýǵa baram" dep ózinshe "qosymsha mindet" arqalap alǵan. Eger sen Qazaq Parlamentinde depýtat bolsań elge adal jumys isteý onsyz da basty mindetiń.

Eger depýtat bolmasań ultyń qajet emes pe?

Bireýi "aýyldan shyqqanmyn, aýyl máselesin kóteremin" dep, endi biri "jastar máselesin qozǵaımyn" dep, biri "óner adamdaryn qoldaımyn" dep Parlamentke ketip barady.

Parlamentte 100 túrli baǵytta zańdar talqylanyp, qabyldanady. Ózderi túsinbeıtin baǵyttaǵy zań jobalary aldyna kelgende "men bul zańdy túsinbeımin, buǵan qatyspaımyn" demeıdi ǵoı, sosyn ony avtomatom qabyldaı beredi. Múmkin týra sol zańdardyń ishinde memleket múddesine qaıshy baptar ketip bara jatqan bolar?

Eger ony túsinbese bul popýlıster naǵyz ulttyń jaýy emes pe?

Bizge "depýtaty ot naroda" kerek emes, bizge "depýtaty dlıa naroda" kerek.

Mysaly delıtant depýtattar myna zańnan ne túsinedi?

«O ratıfıkaıı Protokola o vnesenıı dopolnenııa v Konvenııý mejdý Pravıtelstvom Respýblıkı Kazahstan ı Pravıtelstvom Velıkogo Gerogstva Lıýksembýrg ob ızbejanıı dvoınogo nalogooblojenııa ı predotvraenıı ýklonenııa ot nalogooblojenııa v otnoshenıı nalogov na dohod ı kapıtal, podpısannýıý v Astane 26 ııýnıa 2008 goda, s ýchetom ızmenenıı, vnesennyh Protokolom, podpısannym v Lıýksembýrge 3 maıa 2012 goda»

 

Aıdos Amanbaıdyń áleýmettik jelidegi jazbasynan.

Foto ashyq derekkózden alyndy.

Pikirler