Dästürlı änşı, Qazaqstannyŋ eŋbek sıŋırgen qairatkerı Aigül Elşıbaeva Qūralai hanymmen taǧy şaiqasqa tüstı. Änşı Qūralai hanym jelı arqyly aqyly treningter ötkızıp, eldı adastyryp jür degendı taǧy aitty. Onyŋ soŋynan ergender sauatsyz äielder dep sanaidy. Būl turaly "Bügın" baǧdarlamasyna sılteme jasap, stan.kz habarlady dep jazady "Adyrna" ūlttyq portaly.
Aigül Elşıbaeva el arasynda aqyly treningterı, därısterı men duasy arqyly tanylǧan Qūralai hanymdy būǧan deiın de talai synaǧan edı. Jelıde belsendı, milliondaǧan oqyrmany bar Qūralai hanym onyŋ bırıne de jauap qatqan joq. Tıkelei efirdıŋ bırınde ol sözın "men eşkımmen daulaspaimyn, oǧan uaqytymdy sarp etpeimın, aqtalmaimyn" dep qysqa qaiyrdy.
Dästürlı änşı Qūralai hanymnyŋ sauatsyzdyǧyn, eldı adastyryp, tıptı adam ölımıne deiın jetkızgenın aityp aiyptady.
"Men affirmasiia, vizualizasiia, meditasiia degenderdı tüsınbei jürdım. Adamdarǧa sözben emes, ıspen äreket etu kerek ekenın tüsındıre almai-aq qoidym. 9 ai karantinde osy sözderdıŋ mänın tüsındım. Qūralaidyŋ 40 kün dūǧasy turaly ūqtym. Äbjäd turaly oqydym. Psihologiiany oqydym. Aqyrynda Qūralaidyŋ islamdy üiretem dep, basqa dındı, budda dının nasihattap jürgenın tüsındım. Pravdinanyŋ ılımın üiretıp, mystandardyŋ duasyn nasihattaidy. Sopylyq ılımındegıler äbden ruhani kemeldenıp, şegıne jetkende jyndarmen küresedı eken. Qyryq kün dūǧa degenge keledı eken. Al psihologiianyŋ ne ekenın bılmei tūryp, özın psihologpyn dep jürgen Qūralai "apam" däretın ala almai, bır süre jattai almai jürgenderge qyryq kün dūǧa üiretıp jür. Qūnanbaidy ösekke ergen deidı bır äŋgımesınde. Ädebiettı bılmegen adam ädebiet turaly söz aitady", - deidı Elşıbaeva.Änşınıŋ aituynşa, Qūralai hanymnyŋ duasynan keiın köz jūmǧan jastar bolǧan. Mūny ata-analardyŋ özderı habarlady deidı özı. "Qūralaidyŋ duasynan keiın ölıp ketken bır-ekı adam bar. Maǧan ata-analarynyŋ özderı aitty. Aqtöbede jurnalist qyz köz jūmdy. Keiın zattaryn qarasa, Qūralai hanym aitqan zattar tabylǧan. Adam ölıp jatsa, men eşteŋe demei qarap otyra almaimyn. Ärkım öz ısımen ainalysu kerek", - deidı dästürlı änşı. Foto aşyq derekközden alyndy.
