Niet bolsa, qazaq tılın üirenıp aluǧa bolady!

"Abai" telearnasynyŋ bas prodiuserı, Mädeniet jäne aqparat salasynyŋ üzdıgı, jurnalist, f.ǧ.k. Jaŋylhan Asylbekova "Salmaqty sūhbat" halyqaralyq onlain studiiasynyŋ qonaǧy boldy. "Salmaqty sūhbattyŋ" moderatory, ǧylym baǧyty boiynşa "Qazaqstannyŋ 100 jaŋa esımı" jobasynyŋ jeŋımpazy, "Lingvistika" mamandyǧy boiynşa filosofiia doktory (PhD) Quanyş Jūmabekūly Jaŋylhan Asylbekovaǧa tömendegıdei sūraqtar qoidy: 1) Memleket basşysy Qasym-Jomart Toqaev «Täuelsızdık bärınen qymbat» atty maqalasynda «Tarihqa köz jügırtsek, är buyn belgılı bır synaqty basynan ötkeredı. Bızdıŋ babalarymyz «Aqtaban şūbyryndy, Alqaköl sūlamany», atalarymyz alapat aşarşylyqty, quǧyn-sürgındı, düniejüzılık soǧysty kördı. Totalitarlyq kezeŋde ūlttyq qūndylyqtarymyzdan, tılımızden, dılımız ben dınımızden aiyrylyp qala jazdadyq. Onyŋ bärı Täuelsızdıktıŋ arqasynda halqymyzǧa qaita oraldy. Bıraq, ūlt pen el retınde saqtalyp qalu üşın bügıngı jäne bolaşaq ūrpaq jaŋa syn-qaterlerge daiyn boluy kerek», – degen bolatyn. Sızdıŋ oiyŋyzşa bügıngı taŋda qazaq halqy qandai syn-qaterlerdı basynan ötkerıp jatyr? 2) Prezidenttıŋ qazaq tılın älı jete meŋgermegen otandastarymyzǧa ündeu tastaǧanyn bılesız. Mäsele niette ekenın aitty. «Eşten keş jaqsy. Eŋ bastysy, ynta boluy kerek», – dedı. Qarap otyrsaq, biyl Täuelsızdıgımızge 30 jyl tolady. Älı de qazaqşa bılmeitınder köp. Yntasy joqtardy yntalandyrudyŋ jaŋa täsılderın oilastyrǧan dūrys pa, älde būl mındetteu arqyly ǧana şeşıletın närse me? 3) Jaza-jaza jauyr, aita-aita aqjem bolǧan taqyryptardyŋ bırı — osy tıl mäselesı. Qazaq tılınıŋ öz tūǧyryna qonuyna qanşa uaqyt qaldy dep oilaisyz? 4) Jartylai qazaqşa, jartylai orysşa tüsırılgen filmder bar. Aralas mektepter de jeterlık. Būlar kımge däru, nege zäru? Tolyq sūhbatty tömendegı sıltemeden köre alasyzdar! https://youtu.be/UIMV01rpMO8 (İnstagram: kuanysh_zhumabekuly YouTube: Quanyş Jūmabekūly)