Sý jańa parlament depýtattary balalardyń quqyǵyn qorǵaýǵa qatysty jańa zańdy qaramaq. «Otbasyndaǵy zorlyq-zombylyqty boldyrmaý» sharalaryna qatysty bul zań qarapaıym adamdardan bólek óner adamdaryn da jaǵa ustatýda. Óziniń Instagram áleýmettik jelisinde ánshi, prodıýser Qydyráli Bolmanov osy zańǵa baılanysty qarsylyǵyn bildirip, pikir jazdy dep habarlaıdy «Adyrna» ulttyq portaly.
Tómende Q.Bolmanovtyń jazbasyn ózgertýsiz nazarlaryńyzǵa usynyp otyrmyz. «Balany ata-anasynan qorǵaý zańy ? Osyndaı zań qabyldanady deıdi. Alla saqtasyn ! Osyndaı sóz bolady ma zań túgili ? Parlamenttiń sý jańa depýtattary alǵashqy talqylaıtyny eken bul.
“Osy joly saıdyń tasyndaı iriktelip kil jaqsylar bas qosty ǵoı, saılansa ıgi bolar edi” dep kútip edik, nátıjeni áýelden ishimiz sezse de. Odan keıin
“suryptalyp” saılanǵandardyń bergen antyn kórdik.Kózden uıat boldy. “Qazaq alqyna adal bolýǵa ant beremin” degen sózdi qıyp túser qylyshtaı ótkir etip aıta almaǵan soń... Myna zańdy qaı jaǵyna shyǵarmaq?!
⠀Ne deıdi?!
Syrttaı bir adam “myna balaǵa qaýip tónip turǵan sııaqty” dep quziretti organǵa habarlasa áı-sháı joq kep balany julyp alyp ketedi eken.
⠀Uryssaq - emoıonaldy, ursaq - fızıkalyq, suraǵanyn alyp bermeseń - ekonomıkalyq qysym kórsetken bolyp ata-ana jaýapqa tartylyp, balany taǵy alyp ketedi eken. Ata-anasy psıhıkalyq jóndeýden ótpeıinshe balany kóre almaıdy, jaǵdaıyn bile almaıdy. Jóndelý úshin belgilengen óńsheń psıhotroptyq dárini esh qarsylaspaı iship salyp otyrýǵa májbúr.
Mine, áńgime qaıda jatyr?! Al oǵan deıin bala arnaıy ortalyqtarda jatady deı me, ýaqytsha bir otbasyǵa beriledi deı me, ol jaǵyn tipti aqylym almady. Masqara! Qorqynyshty!
⠀
Kórshiń “mynanyń balasy kúndegiden kóbirek jylady” dep shaǵymdansa, jetip kelip balanyń denesin bastan-aıaq qaraıdy eken de, ıneniń ushyndaı kógergen, qyzarǵan belgi tapsa bitti balany arqalap kete barady eken. Bala júgirmeı me, sekirmeı me, qulamaı ma?! “Áı oıbaı oınama, júrme, otyr, kógertersiń” dep qadam bastyrmaı baılap otyraıyq?!
⠀
Basqany qoıshy, bala ózi de qońyraý shalyp aryz bere alady eken. Alla-aý, telefondy týǵannan bilip shyǵatyn bularyń, qıt etse zvondap tursyn onda?! Neǵylmaqshy ?!
⠀
Ulyń úılenem dep bir uldy jetektep kelse de qarsy bolmaısyń. Áıtpese barar jeriń temir tordyń arǵy jaǵy. Astapyralla!
⠀
Myna zaman qalaı-qalaı túrlenedi?!
Qaıda bara jatyrmyz? Kimge senemiz?
Múddeleri ne? Urpaǵymyz arqyly bolashaqqa balta shaýyp, ultty máńgúrttendirip, eldi essizdendirý me?!
⠀
Qarsymyn!
⠀
Qazir ózime, meniń jeke basym men otbasyma qarsy qısyq- qyńyr sózderdi qarsha boratatyn jandaıshaptar shabýylǵa shyǵatynan jaqsy bilem. Biraq ta, osy kezde birigetin ýaqyt kelgen joq pa?»
