Jemqorlyqpen küres qory "Putin saraiy" degen atpen belgılı Gelendjik tübındegı zäulım sarai jaily zertteu jariialady dep habarlaidy «Adyrna» ūlttyq portaly Azattyqqa sılteme jasap.
Himki soty Germaniiadan Reseige oralǧan qor jetekşısı Aleksei Navalnyidy 30 täulıkke qamaǧan. Zertteu Navalnyi ūstalǧanǧa deiın jasalǧan. Derektı film janrynda tüsırılgen 2 saǧatqa sozylatyn videoda film avtorlarynyŋ bırı ärı jürgızuşısı retınde Navalnyidyŋ özı de körınedı.
"Putin saraiy" degen atpen belgılı rezidensiia 2005-2010 jyldary Qara teŋız jaǧalauynda Gelendjikke jaqyn maŋǧa tūrǧyzylǧan. Saraidyŋ Resei prezidentı Vladimir Putinge arnalǧanyn 2010 jyly käsıpker Sergei Kolesnikov mälımdegen. Ol joba qūnyn 1 mlrd dollarǧa baǧalaǧan. Sodan berı sarai turaly bırqatar BAQ jazǧan, Azattyqtyŋ Orys qyzmetı de maqala jariialaǧan.
Jemqorlyqpen küres qory zertteuınde sarai qūrylysyn qarjylandyru shemasyna köŋıl bölgen. Sonymen bırge sarai intererın de söz etken.
"Būl Reseide eŋ qataŋ küzetıletın oryn, ıs jüzınde "memleket ışındegı memleket" deuge keledı. Būl jüzdegen, tıptı myŋdaǧan adam - eşkım bılmeitın küzetşı, baǧban, qūrylysşydan bastap Reseidegı eŋ bai, tanymal adamdardy qamtityn eŋ ülken putindık qūpiia" delıngen zertteu kırıspesınde. Sarai qūrylysyna bölıngen qarjyny film avtorlary "tarihtaǧy eŋ ırı para" dep ataǧan.
Onnan astam saǧat ışınde zertteudı 15,3 mln adam körıp ülgergen.
Zertteu saiasi ūrandarmen - atap aitqanda, Vladimir Putin bilıgımen küresu, sailauda "Edinaia Rossiiaǧa" qarsy dauys beru tärızdı ündeulermen aiaqtalady.
Vladimir Putinnıŋ baspasöz hatşysy Dmitrii Peskov"Podem" basylymyna zertteu jaily tüsınıkteme bergen.
"Äbden jauyr bolǧan plastinka. Köp jyl būryn Putinnıŋ eşqandai saraiy joq ekenın aityp tüsındırgenbız" dedı ol. Kreml osyǧan deiın de Putinnıŋ Gelendjiktegı saraiǧa qatysy joq ekenın mälımdegen.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz