AQSh memlekettik hatshysy Maık Pompeo Qytaıdy Shyńjań aımaǵynda uıǵyrlar men ózge de musylman toptarǵa “genoıd" jasady dep aıyptady dep habarlaıdy «Adyrna» ulttyq portaly Azattyqqa silteme jasap.
Pompeo málimdemesinde mıllıonnan astam beıbit turǵynnyń bostandyǵyn shekteý, qamaý, kúshtep sterılızaııa jasaý, azaptaý, jumysqa jegý, dinı kózqarasy men pikir aıtý quqyǵyn shekteý sııaqty "adamzatqa qarsy qylmystar" týraly jazylǵan.
“Genoıd áli jalǵasyp jatyr dep sanaımyn jáne Qytaı kommýnıstik partııasynyń tikeleı baqylaýymen uıǵyrlardy joıýǵa júıeli túrde talpynystar jasalyp jatqanyna kýá bolyp otyrmyz” dedi Pompeo 19 qańtarda.
Pekın Qytaıdyń Shyńjańdaǵy saıasatyn synap júrgen halyqaralyq qaýymdastyq synyna ashýly reakııa tanytyp, aıyptaýlardy teristep keledi.
Pompeo barlyq halyqaralyq uıymdar men sottardy Qytaıdyń musylmandardy qýdalaýyna shara qoldanýǵa shaqyryp, Vashıngton Pekınge budan bylaı da qysym jasaı beredi dep senim bildirgen.
Djo Baıden memlekettik hatshy retinde taǵaıyndaıdy degen Entonı Blınken 19 qańtar kúngi senat talqylaýynda Qytaıdyń musylman toptardy qýdalaýyn "genoıd" dep baǵalaýmen kelisetinin aıtty. Baıden kampanııasy osyǵan deıin de uıǵyrlardy qýdalaýdy "genoıd" retinde sıpattaǵan.
BUU Qytaıdyń Shyńjańda mıllıonǵa jýyq etnıkalyq uıǵyr, qazaq jáne basqa da musylmandardy "ekstremızmmen kúres ortalyqtaryna" qamaǵanyn málimdegen. Bastapqyda mundaı aqparatty teristegen Pekın keıin ony "ekstremızmge qarsy shara" dep túsindirgen jáne saıası lagerlerdi "til úırenip, kásipke baýlıtyn" ortalyqtar dep ataǵan. Quqyq qorǵaýshylar men lagerde tutqynda bolǵan adamdar ortalyqtarda qysym men azaptaý baryn aıtqan.
Quqyq qorǵaýshylar sonymen birge júzdegen myń adamnyń "eńbek lagerlerine" jabylǵanyna alańdaǵan. AQSh byltyrdan beri Qytaıdyń Taıvan, Tıbet, Gonkong, Ońtústik Shyǵys teńizindegi áreketine baılanysty Pekınge qysymyn údetip, sheneýnikterine sankııa salýmen keledi.
