Balalarǧa vaksinasiia qalai jasalady?

Qaznette Düniejüzılık densaulyq saqtau ūiymynyŋ mälımetı boiynşa, balanyŋ vaksinasiialau künı mektepte boluy vaksinasiialauǧa berılgen kelısımge teŋ degen habarlama tarady, - dep jazady Stopfake.kz. Derekköz mälımetınşe, şyn mänınde, habarlama avtory süienıp otyrǧan mätındı DDŪ 2014 jyly jariialaǧan jäne onyŋ COVID-19 pandemiiasyna nemese osy auruǧa qarsy vaksinasiialauǧa eş qatysy joq dep jazady Tengrinews.kz. "Sondai-aq, būl qūjat ıs-qimyl nūsqaulyǧy nemese erejeler jiyntyǧy emes. Taratylyp jatqan postta ūsynylǧan däieksözden alynǧan abzastyŋ taqyrybynda: "Vaksinasiialauǧa kelısım aludyŋ keŋ taralǧan joldary" delıngen. Odan ärı mätınde är türlı elderde qoldanylatyn jazbaşa, auyzşa jäne boljaldy kelısım alu standarttary sipattalǧan", - dep jazady basylym. Qazaqstanda balanyŋ vaksinalau künı mektepte boluy proseduraǧa berılgen kelısım retınde qarastyrylmaityny aitylady. "2020 jylǧy 7 şıldedegı "Halyq densaulyǧy jäne densaulyq saqtau jüiesı turaly" Kodekske säikes, QR kez kelgen azamaty "emdeluge jäne basqa da medisinalyq aralasulardy, onyŋ ışınde profilaktikalyq egulerdı jürgızuge habardar etılgen kelısım beruge nemese olardan bas tartuǧa" qūqyly. Būdan basqa, 16 jastaǧy jäne odan asqan balalardyŋ profilaktikalyq jäne konsultasiialyq-diagnostikalyq kömek körsetıluınen habardar türde bas tartuǧa qūqyly. Qoryta aitqanda, tarap jatqan aqparat jalǧan jäne COVID-19-ǧa qarsy vaksinalauǧa da, Qazaqstanǧa da eş qatysy joq", - delıngen habarlamada.