Mata maskalar jaramsyz boluy mümkın

Matadan jasalǧan maskalar koronavirustyŋ jaŋa ştamyna qarsy tiımsız boluy mümkın dep habarlaidy «Adyrna» ūlttyq portaly Habar 24-ke sılteme jasap. Būl turaly Fransiia densaulyq saqtau ministrı Olive Veran mälımdedı. Ol virustan eŋ jaqsy arnaiy medissianalyq maskalar qorǧaitynyn erekşe atap kettı. Aita keter jait, bügınde Fransiiada barlyq qoǧamdyq oryndarda betperde taǧu mındettelgen.   "Medisinalyq maskalar öz tiımdılıgın däleldedı. Olar ökpege tüsetın auanyŋ 90 prosentın filtrleidı. Osylai virustardyŋ adam aǧzasyna enuıne jol bermeidı. Al üide matadan jasalǧan betperdelerge ondai senım joq",- dedı Fransiia densaulyq saqtau ministrı Olive Veran. Aita keteiık, Türkıstan oblysynda koronavirusqa qarsy ekpe medisina qyzmetkerlerınen bastap salynady. Būl turaly öŋırlık kommunikasiialar qyzmetınde ötken brifingıde oblystyq qoǧamdyq densaulyq saqtau basqarmasynyŋ basşysy Marat Paşimov aitty. Onyŋ sözınşe, öŋırde pandemiianyŋ yqtimal ekınşı tolqynynda aurudyŋ taraluyn boldyrmau maqsatynda tiıstı şaralar qolǧa alynyp jatyr. Osyǧan bailanysty aimaqta 1 aqpannan bastap koronavirusqa qarsy ekpe jūmystary jürgızılmek. Osyǧan bailanysty aimaqta 1 aqpannan bastap koronavirusqa qarsy ekpe jūmystary jürgızılmek. Paşimov qazırgı uaqytta oblys boiynşa 610 infeksiialyq jäne 340 karantindık tösek-oryn ūiymdastyrylǧanyn jetkızdı. Bügınde infeksiialyq tösek-oryndar sanynyŋ jüktemesı - 23,6%, karantindık tösek-orynnyŋ jüktemesı - 13%-dy qūrap otyr, deidı ol.