Qazaqstan Respýblıkasynyń Bilim jáne ǵylym mınıstri Ashat Aımaǵambetovtyń buıryǵymen «Oqýlyq» respýblıkalyq ǵylymı-praktıkalyq ortalyǵynyń dırektory bolyp Eldos Bolathanuly Nurlanov taǵaıyndaldy.
Nurlanov Eldos Bolathanuly 1981 jyly 13 qyrkúıekte Almaty qalasynda dúnıegekelgen. Quqyqtanýshy-pedagog, bilim júıesiniń zertteýshisi men sarapshysy.
Qazaq quqyqtaný jáne halyqaralyq qatynastar ınstıtýtyn quqyqtaný mamandyǵyboıynsha speıalıtetti úzdik támamdaǵan. «Ednet Academy» USAID (AQSh) jobasy boıynsha magıstrlik deńgeıindegi 2-jyldyq daıarlaý baǵdarlamasynan ótken. Sondaı-aq IPMA (International Project Management Association) standarttary boıynsha oqytýshylarǵa arnalǵan C deńgeıindegi menedjer retinde sertıfıkattaldy. Mektepke deıingi tárbıe men oqytý, orta bilim strategııalary jáne reformalary, pedagogıkalyq bilim jáne pedagogterdiń kásibı damýy, orta bilim tehnologııalar taqyryptaryna mamandanǵan.
Eńbek jolyn kolledj oqytýshysy retinde bastap, ár jyldary QR BǴM «Bóbek» ulttyq ǵylymı-praktıkalyq, bilim berý jáne saýyqtyrý ortalyǵynyń bólim jetekshisi, QR BǴM Y.Altynsarın atyndaǵy Ulttyq bilim akademııasynyń Ǵylymı-zertteý ortalyǵynyń aǵa ǵylymı qyzmetkeri, QR BǴM janyndaǵy Aqparattyq-taldaý ortalyǵynyń, departament jetekshisi, vıe-prezıdenti, Nursultan qalasy ákimdigi Gýmanıtarlyq kolledjiniń dırektory, Nazarbaev ýnıversıtetiniń ǵylymı qyzmetkeri laýazymdaryn atqarǵan.
Budan bólek baspada túzetýshi, aýdarmashy jáne redaktor bolǵan. Birtutas pedagogıkalyq proestiń tıimdiligin tehnologııalyq turǵydan arttyrý tetikteri jónindegi tujyrymdamanyń birlesken avtory. Jaratylystaný oqýlyqtary men ádistemelik quraldaryn aýdarý, beıimdep qoldaný jónindegi halyqaralyq jobasynda redaktor jáne birlesken avtor bolyp istedi. BAQ salasyndaǵy memlekettik kásiporyndarda quqyqtyq qamtamasyz etý men áleýmettik jáne bilim máselelerin kóterýde tájirıbesi bar. 2020-2025 jyldarǵa arnalǵan Bilim jáne ǵylymdy damytýdyń memlekettik baǵdarlamasynyń jáne «Pedagog mártebesi týraly» Zańnyń jobasyn ázirleýge belsene qatysqan.
Osy qatarda Eldos Bolathanulynyń kásibı uıymdar men qoǵamdar jumysyna belsene aralasyp, QR BǴM-niń Bilim jáne ǵylym, balalardyń quqyqtaryn qorǵaý máseleleri jónindegi qoǵamdyq keńesi, Bilim berý salasyndaǵy zertteýshilerdiń qazaqstandyq qoǵamy (KERA), A. Baıtursynuly Bilim akademııasynyń akademııalyq keńesinde múshe ekendigin atap ótken jón.
«Qazaqstan Respýblıkasy bilim berý júıesiniń jaı-kúıi men damýy týraly ulttyq baıandama» (2014, 2017 jyldar qorytyndylary boıynsha), «PIRLS-2016: Qazaqstan nátıjeleri» (2018 jyl: Ulttyq esep), «Bolar bala –jórgeginen», «Aýyldaǵy mektep biliminiń sapasy: ulttyq jáne halyqaralyq baǵalaý nátıjelerin taldaý», «Úsh tilde bilim berýdi uıymdastyrý: halyqaralyq tájirıbe jáne Qazaqstanǵa arnalǵan usynystar», «Ártúrli nusqadaǵy oqý ádebıeti: qajettiligi men problemalary», «Postsovetskaıa ıdentıchnost v pedagogıcheskom obrazovanıı: proshloe, nastoıaee, býdýee» syndy tańdaýly jarııalanymdar men esepterdiń avtory jáne birlesken avtor.
Bilim berý salasyndaǵy zertteýshilerdiń qazaqstandyq qoǵamy (KERA) Nazarbaev Ýnıversıteti Joǵary bilim berý mektebimen áriptestikte ázirlegen «Qazaqstan bilim zertteýshileriniń ádep kodeksi» kitabyn jazýshylardyń biri. Bul mazmuny men aýqymy boıynsha ulttyq bilimdegi alǵashqy salalyq kodeks. Kodeks qaǵıdalary zertteýdiń barlyq kezeńderindegi (josparlaý, qatysýshylardy tartyp irikteý, derek jınaý jáne esep berýdegi) is-áreket úlgileri retinde túsinikti ári qoldanbaly etip tujyrymdalǵan.
QR Bilim jáne ǵylym mınıstrleriniń Qurmet gramotalarymen marapattalǵan.
