Özderı ǧana oilasatyn düniege qazaqtıldı qauymnyŋ aralasqanyn qalamaidy. Körıp jürmız. Kuä bolǧanbyz. Közımız jetken. Mūndai deŋgeidegı mäselelerdı azǧantai adamnyŋ talqysyna tastai salu sauatsyzdyq.
Zaŋ jobasyn talqylaǧan topta öŋkei orystıldıler tolyp otyr. Älgındei zaŋ jobasyna qatysty memtıldı bılmeitın, qazaq auditoriiasynyŋ oi-pıkırımen sanaspaityn Nemolchi ūiymynyŋ töraǧasy Dina Taŋsärı men Dinara Sätjannyŋ törelık aitatyn qūqy joq.
Qazaqtıldı auditoriianyŋ sany ösıp, sauaty artqan saiyn mūndai konfliktıler köbeie tüsedı. Mūndai taqyrypty talqylauda qazaqtıldı ortanyŋ dünietanymyn, pıkırı men prinsipın esepke alu kerek.
Maǧan qyzyǧy osy zaŋ jobasyn talqylauǧa qazaqtıldı sarapşylar atsalysty ma, joq pa?..
Bız aiyrtıldı memlekette ömır süremız. Aldymyzdan ärkezde tıldık faktor şyǧyp otyrady. Bızdıŋ ala-qūla qoǧamda ala-qūla zaŋdar qabyldanady. Sonyŋ kesırınen türlı konfliktıler tuyndaidy.
Mäselen memtıldı bılmeitın Dina Taŋsärı qazaqtıldı ortanyŋ osy taraptaǧy problemasyna qūlaq asa almaidy. Al būl öte näzık dünie.
Tüptep kelgende mūndai zaŋdy qabyldatuǧa müddelı adamdar būǧan Batystyŋ közımen de qarap tūrǧan joq.
Mūny orystıldı tärbiemen bailanystyru kerek. Ūlttyq qūndylyqtan qol üzgen, dästürden ajyraǧan auditoriiaǧa qazaqylyqpen bailanysty kez-kelgen dünie jat.
Tūrmystyq zorlyq-zombylyqqa qarsy zaŋ jobasyn talqylauǧa Abzal Qūspan, Kamişa Esmuhambetqyzy Dosai Kenjetai, Gülmira Äbıqai, Aigül Orynbek sekıldı sarapşylar atsalysuy kerek.
Duman BYQAI, Dalanews jurnalistı.
