Jurnalist Mädi Manatbek jaŋa qyzmetke taǧaiyndaldy

Mädi Manatbek «Astana» radiosynyŋ bas direktory bolyp taǧaiyndaldy. «Qazaq radiolary» JŞS bas direktory Ernūr Burahan «Astana» radiosy ūjymy aldynda jaŋa direktor Mädi Manatbektı tanystyrdy. Būl turaly qazradio.fm habarlady. Jurnalist Mädi Manatbek respublikalyq BAQ-ta jetekşılık qyzmetter atqarǧan. Ol 1978 jyly 25 mamyrda düniege kelgen. 2006 jyly Kökşetau universitetınde zaŋger mamandyǧyn meŋgergen. Eŋbek jolyn 1998 jyly respublikalyq «Nartäuekel» gazetınde tılşılık qyzmetten bastaǧan. 1999 jyly Şymkent qalalyq «Şymkent kelbetı» gazetınde jalǧasty. 2000 jyldan bastap «Otyrar» telearnasynda jaŋalyqtar jürgızuşısı, taŋǧy «Nūrly arai», sporttyq «Topjarǧan», qylmystyq «Ekstrennyi vyzov» baǧdarlamalarynyŋ avtory ärı jürgızuşısı boldy. 2001-2006 jyldary «Astana» telearnasynda jaŋalyqtar jürgızuşısı, aptalyq aqparattyq-saraptamalyq «Üş şirek», «Aşyq äŋgıme», sporttyq «Topjarǧan», qylmystyq «Oqiǧa ızımen» baǧdarlamalarynyŋ avtory ärı jürgızuşısı jäne baǧdarlamalar öndırısı qyzmetınıŋ jetekşısı boldy. 2006 jyly «31 arna» Astana qosynynyŋ tılşısı, 2007 jyly «MARMILAT» jarnama agenttıgınıŋ direktory; 2008 jyly «Habar» Agenttıgı» AQ jaŋalyqtar qyzmetınıŋ jürgızuşısı; 2010-2013 jyl aralyǧynda «Qazaqstan» RTRK» AQ aptalyq aqparattyq-saraptamalyq «Apta.kz» baǧdarlamasynyŋ jürgızuşısı; qoǧamdyq-saiasi baǧdarlamalar bölımınıŋ jetekşısı, «Qazaqstan» RTRK» AQ Basqarma töraǧasynyŋ orynbasary qyzmetterın atqardy. 2013-2017 jyldary «BAQORDA media group» JŞS Bas direktory; 2017 jyldyŋ aqpanynan 2018 jyldyŋ qazan aiyna deiın «Qazaq radiolary» JŞS bas direktory boldy.