«Pýtın bizge qarsy agressııa jasaı ma dep qorqamyn»

3868
Adyrna.kz Telegram

Reseıdegi halyq tolqynysy basylmaı tur. Alekseı Navalnyıdyń bosatylýyn talap etken jurt kúsh-qurylymdary men polıııanyń eskertýlerine qaramastan sherýdi jalǵastyrýda. Atalǵan másele Qazaq eline qalaı áser etedi? Pýtınniń ornynan ketýi múmkin be? Osyndaı saýalmen elimizdegi saıasattanýshy jáne basqa da azamattyq qoǵam ókilderiniń pikirin bilip kórgen edik.

Ázimbaı Ǵalı, saıasattanýshy:

- Sońǵy 7-8 jylda Reseı ekonomıkasy múlde óspedi dese de bolady. Ekonomıkasy qatty toqyraýǵa ushyrady. Qazir Reseı AQSh-pen «qyrǵı-qabaq soǵys» júrgizip jatyr. Bul Keńes Úkimeti kezinde de bolǵan. Biraq ol kezdegi KSRO kezindegi jaǵdaıǵa qaraǵanda ekonomıkasy turaqsyz qazirgi Reseıdiń damyǵan AQSh-qa saı kelmeıtini anyq. Reseı Donbass pen Lýganskte soǵysy onyń áleýetiniń jaǵdaıy máz emes ekenin ańǵartty. Reseıdiń álemdik arenada, Eýropa elderi aldyndaǵy abyroı-bedeli tústi. Ekonomıka jaǵynan qatty quldyrap barady.

Pýtın Reseıde derbes bılikti ustap tur. Ekonomıkadaǵy stagnaııa 7-8 paıyzdan artyq ósip ketti. Reseı ekonomıkasy keri damyp keledi. Reseıdiń quramyndaǵy Sheshenstan Reseıge baǵynǵan túr kórsetkenimen, shyn máninde baǵynbaıdy. Qyrymdy aldap aldy. Batys birinen soń birin sankııalar salyp jatyr. Reseıdiń qazirgi jaǵdaıy máz emes. Belorýsti qosyp alǵysy keldi. Reseıdegi bolyp jatqan halyq tolqynysy lokaldy sıpat aldy. Ol Qıyr Shyǵysty úlken aýmaqty alady dep kútilgen. Biraq olaı bolmady. Navalnyı jemqorlyqqa qarsy shyǵady dep túsingen.

Qazir ol Pýtınniń ózine aýyz saldy. Birneshe márte qýǵyndalsa da, qaısar jigittiń jeńiletin túri kórinbeıdi. Reseı ımperııashyl halyq. Ekonomıkasy quldyrap jatsa da, ımperııalyq dúrkirep tursyn degen túsinik basym. Mıtıng bolyp halyq tolqýynyń negizgi sebebi urlyq kóp. Pýtındi «Bas ury» dep jatyr. Biraq Pýtın ornynan óz betimen ketpeıdi. Onyń qazir jasy 68-ge keldi. Az-maz beli aýyrǵany bolmasa, densaýlyǵy áli myǵym. Pýtın ornynan óz betimen ketpeıdi. Reseıdiń túbine jetetin túri bar. Osyǵan deıin 5 orynda turǵan. Qazir ekonomıkasy múlde óspegen kúıi qalǵan. Pýtın eshkimge senbeıtin adam. Óte saq. Meniń qorqatynym Qazaqstanǵa qarsy agressııa bastaı ma dep qaýiptenem. Biraq olaı jasamaýy tıis. Eger taǵy bir jaýgershilik áreket jasasa, batys qatty sankııa salady. Sondyqtan Pýtın mundaıǵa barmaıdy oılaımyn.

Qýanysh Edilhantegi, azamattyq qoǵam ókili:

- Kesheden beri Reseıden jetken qanshama vıdeony qarap shyqtym. Volkov degen kelesi ýık-endide taǵy shyǵamyz dep jatty. Árıne, olarǵa aqyl aıtatyn biz emes, biraq bir qyzynyp alǵan halyqty toqtatpaı, ýkraındyq maıdanǵa aınaldyrsa ǵana nátıje shyǵýy múmkin, áıtpese apta boıy úı-úıdi aralap, belsendilerdi ustap, ózderi de demalyp degendeı, kúsh alyp ketýi múmkin ǵoı?

Bizde keshegi Azattyq radıosynyń jarııalanymy (túrik kásipkeri Tamınjı týraly), advokat Aıman hanymnyń málimdemesi, t.s.s. bar, tek... Navalnyı jetispeı tur.

Tiri bolǵanda marqum Dýlat Aǵádil osy róldi oınaı alar edi. Qazir bilmeımin...

"Adyrna" ulttyq portaly. 

Pikirler