Býddıstter áleminiń rýhanı jetekshisi Dalaı Lama Reseı men Batysty yntymaq pen ymyraǵa kelýge shaqyrdy. Rýhanı lıderdiń aıtýy boıynsha, Bul Pýtınniń qolynan keletin sharýa.
Dalaı Lamanyń aıtýynsha, Batys pen Reseıdiń arasyndaǵy saıası kıkiljiń dúnıe júziniń barlyq elderine keri áser etip jatyr. Al, Batysqa Reseıdiń munaı men resýrsy kerek, bul aqıqat dúnıe. Al, Reseıge Batystyń tehnologııalyq, qarjylyq qundylyqtary kerek. Olar birinsiz biri ekonomıkalyq, saıası múddelerdi iske asyra almaıdy. Dúnıeniń ózi bir júıe, ony tynyshtyqta, ymyrada ustaý AQSh pen Reseı sııaqty alpaýyt derjavalardyń ǵana qolynan keledi.
"Qalaı desek te, AQSh pen Reseı bir birimen báribir qarym-qatynastaryn birjola úzip kete almaıdy. Dúnıeniń tynysh bolýy Batys pen Shyǵystyń ymyralastyqpen qarym-qatynas jasaýynda. Sondyqtan adamzat balasy bir biriniń senimine qurmetpen qarap, dinı alaýyzdyqty, saıası kıkiljińdi toqtatýdy qolǵa alýy kerek. Bul iri derjavalardyń qolynan keledi", -dedi.
Óz sózinde Dalaı Lama Pýtındi AQSh jáne Eýroodaqtyń elderimen saýatty dıplomatııalyq qarym-qatynasty qalyptastyryp, Batys pen Shyǵystyń arasyndaǵy mámilegerlik pen tynyshtyqtyń uıytqysy bolýǵa shaqyrdy.
Bul Pýtınniń qolynan keletinin, ári álem elderi úshin de paıdaly ekenin, eger de Batys pen Reseı arasyndaǵy kıkiljiń toqtamasa, úshinshi dúnıejúzilik soǵysqa aparatynan da atap ótti.
Bekbolat QARJAN,
"Adyrna" ulttyq portaly
