Densaýlyq saqtaý mınıstri Alekseı oı elde dári-dármek jetispeýshiligi bolmaıtynyn málimdedi, dep habarlaıdy «Adyrna» ulttyq portaly QazAqparat tilshisine silteme jasap.
Úkimettiń keńeıtilgen otyrysynda Memleket basshysy Alekseı oıǵa dári-dármek baǵasy qalaı qadaǵalanyp jatqanyn surady. «Meniń bilýimshe bul turǵyda másele áli de bar sekildi. Bul baǵytta qandaı jumys júrgizip jatyrsyzdar?» - dep surady Prezıdent Alekseı oıdan. Bul suraqqa jaýap bergen mınıstr dári-dármektiń shekti baǵasyn qadaǵalaý máselesi qaıta qaralǵanyn málim etti. «Qazirgi ýaqytta koronavırýs preparattary boıynsha marketıngti shyǵyndardyń bárin alyp tastadyq. Dárihanalarda jetispeýshilik bolmas úshin biz koronavırýsqa shaldyqqan adamdarǵa ambýlatorııalyq dári-dármekti tegin qyldyq. Bul da dárihanalardaǵy kezekti joıdy. Osylaısha biz antıkovıd preparattardyń baǵasyn orta eseppen 27 paıyzǵa arzandattyq. Sonymen qatar bıyl «Halyq densaýlyǵy» kodeksine tıisti ózgeristerdi engizip, bólshektik segmenttegi baǵalardy qadaǵalaý tetigin alyp tastamaqpyz. Osylaısha, biz bólshektik segmenttegi baǵany tómendeterlik qosymsha tetikterge ıe bolamyz», - dedi ol. «Iaǵnı dári-dármek jetispeýshiligi bolmaıdy ǵoı?» dep suraǵyn qaıtalady Prezıdent. Bul suraqqa Alekseı oı «ıá» dep jaýap berdi.
