Aımaǵambetovke qarsy aqparattyq naýqan júrip jatyr ma?

4866
Adyrna.kz Telegram

Keshe Úkimettiń keńeıtilgen otyrysynda Prezıdent Qasym-Jomart Toqaev sapasyz bilim beretin joǵary oqý oryndaryna qatysty eskertý aıtty, dep habarlaıdy «Adyrna» ulttyq portaly QazAqparatqa silteme jasap.

Prezıdenttiń aıtýynsha, Úkimetke joǵary oqý oryndary úshin bólinetin memlekettik granttardy naryqtyń naqty suranystarymen tyǵyz baılanystyrý maqsaty júktelip tur. Jyl saıyn bólinetin granttardyń bir bóligi tıisti mamandyqtardyń suranysymen qamtamasyz etilmegen. Osy oraıda bıýdjet qarjysy jelge ushady.

«Meniń tapsyrmam boıynsha Úkimet sapasyz bilim berip jatqan joǵary oqý oryndaryn qysqartý jumysyn jalǵastyryp jatyr. Alaıda keıbir JOO-lar túrli proessýaldyq árekettermen oqý ornyn jabý proesin 1,5 jylǵa deıin sozyp keledi. Bilim jáne ǵylym mınıstrligine qarsy aqparattyq naýqan júrip jatyr. Úkimetke tıisti sharalardy qabyldaýdy tapsyramyn», – dedi Memleket basshysy.

Sonymen birge Prezıdent akademııalyq adaldyqty buzǵany úshin JOO-lar jaýapkershiligin qosymsha kúsheıtý kerektigin atap ótti. Q. Toqaev sapaly bilim berip jatqan joǵary oqý oryndaryn jan-jaqty nyǵaıtý kerektigin tapsyrdy. Turaqty damýdy qamtamasyz etý úshin 15 bazalyq óńirlik joǵary oqý oryndaryn jańǵyrtý kerektigi aıtyldy. Olar talanttardy tartýdyń óńirlik ortalyqtary retinde qyzmet etedi. Osy oraıda Úkimetke ákimdiktermen birlese 1 shildege deıin tıisti qadamdarmen, kezeńdermen ári qarjylandyrý kólemimen tyńǵylyqty jol kartasyn engizý júkteldi.

Pikirler