Därı tapşylyǧy taǧy bastaldy ma?

WhatsApp messendjerınde "Almatydaǧy därıhana sörelerınen adamdar emdelmei, vaksina saldyruy üşın qasaqana preparattardy alyp tastap jatyr" degen aqparat tarady. Qalalyq äkımdık būl habarlama feik ekenın aitty, - dep habarlaidy "Adyrna" ūlttyq portaly  Tengrinews.kz tılşısıne sılteme jasap. "Bızdıŋ düken därıhananyŋ ışınde. Ol jerge antibiotik, auyrsynudy basatyn därılerdı alyp tastau turaly joǧarydan būiryq kelgen. Balalarǧa därını köptep alyp qoi, anama da aittym. Bärın qorapqa jinap, salyp jatyr, satpaidy. Ony koronavirusqa qarsy vaksina salu üşın ädeiı ıstep jatyr", - delıngen audioda. Ekınşı habarlamada taǧy bır äiel Almatydaǧy därıhana qyzmetkerlerı "söreler bos tūrǧanyn", al därıler qaida ekenın sūraǧan kezde "joǧarydan būiryq tüstı dep jauap bergenın" aitqan. Habarlamada "būl adamdar emdelmei, koronavirusqa qarsy vaksina saldyruy üşın jasalyp jatqany" turaly aitylǧan. Almaty äkımdıgınıŋ därı-därmekpen qamtamasyz etu jönındegı üilestıruşısı Zaŋǧar Sälımbaev Jelıde taraǧan aqparatqa pıkır bıldırdı.  "Būl habarlama feik, aqparat şyndyqqa janaspaidy", - dedı ol.