Qaraǧandy oblysynda kämeletke tolmaǧan qyzdy zorlady degen küdıkpen auyl imamy qamauǧa alyndy, dep habarlaidy «Adyrna» tılşısı «KTK» arnasyna sılteme jasap.
Tergeu mälımetınşe ol mektep oquşysymen jynystyq qatynasqa tüsken. Alaida meşıttegıler 40 jastaǧy küdıktınıŋ müftiiatqa qatysy joǧyn aitady.
Aituǧa auyz barmaityn jaǧdai oblys ortalyǧynan şalǧaidaǧy auylda bolypty. Alǧaşqy qaueset auyl tūrǧyndarynyŋ äŋımesınen taraǧan. Tıptı mektep oquşysy imamnan jüktı bolyp, jasandy tüsık te jasaǧany turaly söz jeldei esken. Osydan keiın aqparatty tekseruge auylǧa barǧan poliseiler oqiǧany rastap, qyz zorlau faktısımen ıs qozǧady. Qarşadai qyzǧa jynystyq qylmys jasalǧany turaly ata-anasy da jaq aşpaǧan. Al müftiiattyŋ aituynşa, küdıktınıŋ dıni bılımı bolǧanymen, imamdyq sertifikat almapty. Degenmen auyldaǧylar ony dıni joralǧylardy ötkızuge şaqyryp auyl moldasyna ainaldyryp alǧan.
«Atalǧan habarlamaǧa säikes, QR QK 120-baby 4-tarmaǧymen qylmystyq ıs qozǧaldy. Polisiia qyzmetkerlerımen atalmyş ıske qatysy bar degen küdıkpen 40 jastaǧy oblys tūrǧyny anyqtalyp, ūstaldy. Oǧan qatysty sotpen qamauǧa alu būltartpau şarasy qabyldandy»,-dedı Qaraǧandy oblystyq PD baspasöz hatşysy Baqytjan Qūdiiarov.
«Adyrna» ūlttyq portaly
