Almatyda köpbalaly analar qoǧamdyq kölıkte tegın jüredı, dep habarlaidy «Adyrna» tılşısı. Būl turaly qala äkımı Baqytjan Saǧyntaev Facebook jelısındegı resmi paraqşasynda jazdy.
«Almatyda qoǧamdyq kölıkte tegın jüruge qūqyly adamdardyŋ sanatyn keŋeitpekpız. Almaty mäslihatynyŋ deputattary basqa memleketterdiŋ aumaǧyndaǧy ūrys qimyldarynyŋ ardagerlerıne, «Altyn alqa» men «Kümıs alqa» alqasymen marapattalǧan köpbalaly analarǧa, sondai-aq 18 jasqa deiıngı mügedek balany alyp jüretın adamdarǧa qaladaǧy qoǧamdyq kölıkte jeŋıldıkpen jüru turaly şeşımımızdı qoldady. Būl şeşım «Ardagerler turaly» 2020 jylǧy 6 mamyrdaǧy jaŋa Zaŋǧa säikes, sondai-aq qala tūrǧyndarynyŋ äleumettık-ekonomikalyq jaǧdaiyn jaqsartu men ony qorǧau maqsatynda qabyldandy. Qalalyq Äleumettık äl-auqat basqarmasynyŋ mälımetınşe, şaharda 18 jasqa deiıngı mügedek balalardy alyp jüretın 1161 adam bar. Būl sanattaǧy adamdarǧa 50% jeŋıldık berıledı. Al «Altyn alqa» men «Kümıs alqa» alqasymen marapattalǧan 4663 köpbalaly anaǧa tegın jol jüru qūqyǧy berıledı»,-dedı ol.
«Adyrna» ūlttyq portaly
