Reseidıŋ Qazaqstannan ajyraǧysy joq

Resei senatory Aleksei Puşkov «Vecherniaia Moskva» gazetıne bergen sūhbatynda Djo Baidennıŋ prezidenttıgı tūsynda AQŞ postkeŋestık respublikalar üşın küresın küşeitedı degen pıkır bıldırdı dep jazady «Adyrna» ūlttyq portaly Abai.kz.-ke sılteme jasap. Onyŋ aituynşa, Amerika qazır postkeŋestık respublikalardy Reseiden bölıp alyp, ajyratuǧa baǧyttalǧan jūmystar jürgızıp jatyr-mys. «Postkeŋestık keŋıstıktegı bäsekelestık küşeiıp keledı. Eger būl Tramp üşın onşa qyzyǧuşylyq tudyrmasa, onda Baiden äkımşılıgı postkeŋestık respublikalardy Reseiden bölıp tastauǧa baǧyttalǧan Amerikanyŋ küş-jıgerıne bäs tıgıp jatqan körınedı», - dedı ol. Ol sondai-aq, AQŞ endı Belorussiiaǧa, Özbekstanǧa, Armeniiaǧa jäne Qazaqstanǧa nazar audarady degendı aitqan. «Olar AQŞ-tyŋ nazarynda bolady. Tıptı, Kievpen äskeri yntymaqtastyq küşeiuı, AQŞ-tan qaru-jaraq pen tehnika aluy jäne Ukraina aumaǧynda AQŞ-tyŋ äskeri bazasy ornalastyryluy mümkın. Vaşington men Kiev batys äskeri qūrylymdary boiynşa küş bırıktıruı ǧajap emes. Sol arqyly ony NATO-nyŋ beiresmi müşesı etuı de mümkın.  Baidennıŋ kezınde AQŞ Reseimen bäsekelestıktı postkeŋestık keŋıstıkte jürgızuı AQŞ-pen qarym-qatynasty naşarlatudyŋ jaŋa faktoryna ainaluy mümkın. Sondyqtan, bız de soǧan qarai jūmys jasauymyz kerek», - deptı. Soŋǧy kezderı, Resei saiasatkerlerı Qazaqstan men būrynǧy postkeŋestık elderge qatysty osy sekıldı mälımdemelerdı jiılettı. Byltyr jeltoqsanda RF Memlekettık Dumasynyŋ deputattary V.Nikonov pen E.Federov Qazaqstannyŋ Täuelsızdıgı men territoriialyq tūtastyǧyn moiyndamaityn mälımdemeler jasaǧan. Keiın būl dau memleketaralyq deŋgeide jalǧasyp, baryp tynşyǧandai bolǧan.