Nūr-Sūltanda densaulyq saqtau ministrlıgınıŋ aldynda narazylyq aksiiasy ötıp jatyr. Türlı tüstı kiıngen äielder vaksinalau men adamdardy tüsterge böletın QR-kodtyŋ engızıluıne qarsy, dep habarlaidy "Adyrna" ūlttyq portaly Sputnik Qazaqstan saityna sılteme jasap.
Qoldaryna käströl ūstaǧan analar densaulyq saqtau ministrı Aleksei Soidyŋ şyqqanyn talap etıp otyr. Olar adamdardy koronavirusqa bailanysty türlı tüsterge böletın QR-kodtyŋ engızıluıne qarsy ekenın aityp şulauda.
"Men özımdı tüske bölgenın qalamaimyn. Erteŋ sonda men "qyzyl" aimaq bolyp jüremın be? Ūlym üilengısı kelse, "jasyldan" qyz alyp jatyrmyz dep otyramyz ba? Vaksinasiiaǧa da qarsymyn, öz balalaryma vaksina saldyrtpaimyn. Mäjbürlı emes deudıŋ astarynda osyndai jatyr. Erteŋ qyzyl tüstegılerdı eşqaida kırgızbeidı, balalarym mektepke bara almaidy. Men tek dükenge, därıhanaǧa ǧana kıre alamyn", - deidı belsendı Baian Miras.Narazy topqa Sifrlyq damu, innovasiialar jäne aeroǧaryş önerkäsıbı ministrlıgınıŋ baspasöz hatşysy Maqsat Tölegenov kelıp, QR-kody bar qosymşanyŋ qalai jūmys ısteitının tüsındırdı. Aituynşa, qosymşa mındettı emes jäne biznes ökılderıne arnalǧan.
"Būl qosymşanyŋ vaksinaǧa eş qatysy joq. Qosymşa şekteu şaralary kezınde bizneske qyzmetın jalǧastyruǧa mümkındık beredı. Qazır simtompsyz auyryp jürgen adamdar bar. Qosymşanyŋ kömegımmen mekeme qojaiyndary adamdardyŋ märtebesın anyqtap, PTR-test oŋ bolsa, ony mekemege kırgızbei, bırden oqşaulaidy", - dedı ol.Juyrda sifrlyq damu, innovasiialar jäne aeroǧaryş önerkäsıbı ministrlıgı qazaqstandyqtar koronavirusqa bailanysty qyzyl, sary, kök jäne jasyl tüsterge "bölınıp", keibır mekemelerge QR-kod arqyly kırgızıletının habarlady. Pilottyq joba äzırge Spa, fitnes ortalyq, kinoteatr siiaqty mekemelerde qoldanyluda. Endı osy oryndarǧa baru üşın arnaiy QR-kodty skanerlep, kıreberıste körsetu qajet. Al baǧdarlama qyzyl, sary, kök jäne jasyl tüstermen täuekel därejesın körsetedı. Qyzyl tüs qozǧalysty şekteudı, ambulatorlyq baqylaudaǧy adamdar üşın üide oqşaulanudyŋ qataŋ rejimın saqtaudy bıldıredı. Sary – qozǧalysty ışınara şekteu – paidalanuşy PTR derekter bazasynda nauqaspen bailanysta bolǧan adam retınde körsetılgen: pasientke tūratyn jerınen 500 metrden aspaityn azyq-tülık jäne şaruaşylyq dükenderge, därıhanalarǧa baruǧa ǧana rūqsat etıledı. Kök tüs şyqsa, PTR-test mındettı sanalatyn oryndardy qospaǧanda (mysaly, äuejaida), jürıp-tūruǧa eşqandai şekteu joq degen söz. Jasyl märtebe qozǧalysta eşqandai şekteu joq ekenın bıldıredı. Būl paidalanuşy derekter bazasynda PTR-testıleuden ötken, COVID-19 terıs nätijesı bar adam retınde körsetılgen.
